© Reuters © Reuters

Дубайдан COVID-19 жұқтырып келген қазақстандық Алматыға баратын ұшаққа жіберілмеді


Көліктегі бас мемлекеттік санитар дәрігер Сәдуақас Байғабылов БАӘ-ден келген COVID-19 жұқтырған жолаушының ішкі авиарейске жіберілмегені туралы ақпаратқа пікір білдірді, - деп хабарлайды Tengrinews.kz тілшісі.

Санитариялық-карантиндік пункттердегі эпидемиологтар әуе немесе теміржолдағы COVID-19-ға ПТР-талдау анықтамаларын мұқият тексереді.

Талаптарға сәйкес, Қазақстанға бағытталған халықаралық авиарейстердегі барлық адам, қазақстандықтарды қоспағанда, әуежайдан ұшақтың бортына COVID-19-ға ПТР-талдау анықтамасы болған жағдайда ғана жіберіледі.

2020 жылдың 13 қарашасында Дубайдан Нұр-Сұлтанға 129 жолаушысы бар әуе рейсі келді, оның ішінде анықтамасы бар - 125 адам, анықтамасыз - 4 адам.

"ПТР анықтамасыз келген қазақстандықтар, оның ішінде транзиттік рейспен келгендер тест тапсыру үшін карантинге жатқызылады.

13 қарашада Нұр-Сұлтаннан Алматыға транзитпен ұшып кетпек болған қазақстандық ПТР-талдаудан өткені туралы анықтамасын ұсынды. Эпидемиолог бұл анықтаманы тексеру кезінде COVID-19 (positive) оң нәтиже көрсетілгенін байқаған.

Коронавирус анықталған жолаушы Алматыдағы сапарын жалғастырмады, өйткені ол елорданың инфекциялық стационарына жатқызылды", - деді Байғабылов.

Бүгінгі таңда Қазақстанға халықаралық әуе рейстері арқылы коронавирус жұқтырған 54 адам келген, оның ішінде: Нұр-Сұлтанда - 12, Алматыда - 40, Шымкентте - екі жағдай.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

Алматы әуежайына мерзімі өткен ПТР анықтамасымен келген шетелдік депортацияланды Алматы әуежайына мерзімі өткен ПТР анықтамасымен келген шетелдік депортацияланды
Маңғыстауда қоқиқаздарды видеоға түсіруге тыйым салынады - меминспектор Маңғыстауда қоқиқаздарды видеоға түсіруге тыйым салынады - меминспектор
Күн тоғаны және Арыстан бекінісі аталған Қазақстанның ең жұмбақ аймағына саяхат Күн тоғаны және Арыстан бекінісі аталған Қазақстанның ең жұмбақ аймағына саяхат