Дубай - Нұр-Сұлтан рейсімен келген 3 жолаушыдан коронавирус анықталды

17 желтоқсанда ПТР-анықтамасыз ұшып келген 3 қазақстандықтан COVID-19 анықталды, - деп хабарлайды Tengrinews.kz тілшісі Санитариялық-эпидемиологиялық бақылау комитетіне сілтеме жасап. 

2020 жылдың 18 желтоқсанында Қазақстан Республикасының аумағына Румыния, ҚХР, Грузия, Мысыр, Түркия, БАӘ, РФ, Беларусь Республикасы, Тәжікстан және Өзбекстаннан 17 халықаралық әуе рейсі келді.

2 561 әуе жолаушыларының ішінде ПТР-тестілеудің теріс нәтижесі бар анықтамамен 2 351 адам, анықтамасыз 210 қазақстандық келді.

Оның ішінде:

Алматы қаласының әуежайына - 9 рейс, 1 641 жолаушы, анықтамамен - 1 513, анықтамасыз - 128;
Нұр-Сұлтан қаласының әуежайына - 6 рейс, 789 жолаушы, анықтамамен - 707; анықтамасыз - 82;
Атырау қаласының әуежайына - 1 рейс, барлық 44 жолаушы анықтамамен келді;
Ақтау қаласының әуежайына - 1 рейс, барлық 47 жолаушы анықтамамен келді.

"Анықтамасыз қазақстандықтар келген жерлері бойынша COVID-19-ға ПТР-талдау әдісімен тестіленді, олар карантиндік стационарларда нәтижелерін күтіп жатыр.

2020 жылдың 17 желтоқсанында анықтамасыз келген 378 ҚР азаматтарының ПТР-талдауларының нәтижелері бойынша Дубай - Нұр-Сұлтан рейсімен келген 3 жолаушыдан коронавирус инфекциясы анықталды", - делінген хабарламада.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!