Көрнекі сурет @Shutterstock Көрнекі сурет @Shutterstock

"Бұл - нағыз мереке". Туроператорлар шетелдіктер үшін Қазақстан шекарасын ашу туралы


Қазақстанға 30 елден келген туристер қайтадан визасыз келе алады. Туристік индустрия өкілдері бұл туралы қандай жоспарлар жасайды, саяхатшыларға не ұсынады және шетелдіктер үшін бір нәрсе өзгереді ме? Kaz.tengritravel.kz тілшісінің материалында.

Пандемия кезінде қатты зардап шеккен салалардың бірі - туризм. Шетелдіктер Қазақстанға бір жылдан аса уақыт бойы келе алған жоқ. Көптеген компания жұмысын тоқтатуға мәжбүр болды, ал біреу ішкі туризмге бет бұрды. Дегенмен, спикерлер оптимизмді сақтап, жоспарын айтып берді.

"Біз, әрине, бұл жаңалықты күттік және визасыз режимді қайтаруды сұрадық. Бұл - нағыз мереке. Еуропа, Парсы шығанағы мен Азия елдері Ресейден кейінгі негізгі туристік бағыт болып саналады. Сонымен қатар, 16 елмен әуе қатынасы қалпына келтіріліп жатыр, яғни басқа елдерден қонақтар келеді.

Фото @Shutterstock

Қазақстанда шетелдіктерді табиғат, тарихи орындар, Жібек жолы қызықтырады. Жақын шетел туристерін біздің курорттар қызықтырады: Бурабай, Алакөл, Каспий теңізі. Біреуге экстрим керек - біз тау-шаңғы курорттарын ұсынамыз. Экотуризм сонымен қатар шатырларда түнеумен танымал бола бастады, бұл еуропалықтарды көбірек қызықтырады. Туристер қалауына байланысты қаржысын әртүрлі жолмен жұмсайды. Жалпы, Қазақстанға барлық тур сұраныс бойынша жеке жиналады.

Қазақстанға бизнес мақсатымен жиі ұшып келеді. Пандемияға дейін, статистика бойынша, 2019 жылы Қазақстанға миллионға жуық шетелдік келген. Оның 80-85 пайызы - іскерлік сапарлар. Транзиттік жолаушылар да Қазақстанға келді, бірақ олар туралы айтуға әлі ерте. Бізге виза, құжаттар ресімдеу үшін өтініш береді. Біз көлікті, тұруды ұйымдастыруға көмектесеміз", - дейді Sky Way туроператор-компаниясының директоры Әсем Қозбағарова.

Қазақстанға кіру үшін барлық жолаушы шекарадан өткенге дейін кемінде 72 сағат бұрын жасалған коронавирусқа теріс нәтижесі бар ПТР-талдауды ұсынуға міндетті. Қазақстан аумағында Венгрия, Таиланд, Моңғолия, Грузия, Қырғызстан, Молдова және Түркия азаматтарының вакцина паспорттары/сертификаттары/анықтамалары жарамды деп танылды. 5 жасқа дейінгі балаларға коронавирусқа теріс тест туралы анықтама қажет емес.

Қазақстанға келу үшін визасыз режим қолайлы эпидемиологиялық жағдайы бар және халыққа вакциналаудың жоғары деңгейі бар 30 шет мемлекеттің азаматтары үшін жаңартылады:

  • Италия;
  • Нидерланды;
  • Франция;
  • Германия;
  • Испания;
  • Жапония;
  • БАӘ;
  • Сауд Арабиясы;
  • Кувейт;
  • Польша;
  • Дания;
  • Чили;
  • Венгрия;
  • Оңтүстік Корея;
  • Чехия;
  • Бахрейн;
  • Катар;
  • Монако;
  • Кипр;
  • Исландия;
  • Финляндия;
  • Мальта;
  • Швеция;
  • Португалия;
  • Лихтенштейн;
  • Словакия;
  • Люксембург;
  • Канада;
  • Сингапур;
  • Бельгия.

Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Алматы облысының жеткілікті бағаланбаған 10 көрікті жері Алматы облысының жеткілікті бағаланбаған 10 көрікті жері
Мұнай үшін құрғатпақ болған әлемдегі ең үлкен көл. Каспий жайлы қызық деректер Мұнай үшін құрғатпақ болған әлемдегі ең үлкен көл. Каспий жайлы қызық деректер
Қазақстанның туризмді дамыту жоспары қандай екені айтылды Қазақстанның туризмді дамыту жоспары қандай екені айтылды