Беларусьтік жүк пойызы Қазақстанда рельстен шығып кетті

Алматы облысында Беларусьтен келген жүк пойызы рельстен шығып кетті, - деп хабарлайды Tengritravel.kz тілшісі "ҚТЖ" ҰК" АҚ баспасөз қызметіне сілтеме жасап.

Арнайы комиссия Копа станциясындағы рельстен шығудың мән-жайын тексереді.

"2023 жылғы 23 наурыз сағат 12:20-да Алматы облысы Қопа станциясында жүк пойызының жүрісі кезінде контейнерлері бар 4 вагон рельстен шығып кетті. Құрбан болғандар мен зардап шеккендер жоқ. Оқиға пойыздар қозғалысына әсер еткен жоқ", - делінген хабарламада.

Пойыздардың жүру кестесі өзгермеген. Қазақстанның магистральдық теміржол желісінің операторы болған оқиғаның себептерін тексеру үшін комиссия құрды.

Саяхат қызықтары мен пайдалы ақпаратты Instagram және Facebook парақшаларынан оқи аласыз!