Астанада 200-ге жуық жолаушы әуежайдан ұша алмай қалды

Астанада 200-ге жуық жолаушы діттеген жеріне ұша алмай қалды, - деп хабарлайды Tengritravel.kz тілшісі Астана халықаралық әуежайының баспасөз қызметіне сілтеме жасап.

Астана халықаралық әуежайы Scat әуекомпаниясының Астана - Санкт-Петербург бағытындағы DV821 рейсінің кешігуі туралы хабарлады. Сағат 08:30-да ұшып шығуы тиіс рейс техникалық себептерге байланысты шықпай қалған. Кейінірек рейс сағат 13:10-ға шегерілгені белгілі болды.

"200-ге жуық жолаушы кешігу туралы дереу хабардар етіліп, күту кезінде тамақ және сусынмен қамтамасыз етілді. Әуежайға ауыстырылатын ұшақ келіп, отырғызу басталды. Рейс сағат 13:10-да ұшады деп күтіледі", - делінген хабарламада.

"Біз жолаушылардан туындаған қолайсыздықтар үшін кешірім сұрай отырып, болған жағдайға түсіністік танытқандары үшін алғыс білдіреміз", - делінген Астана халықаралық әуежайының баспасөз қызметі мәліметінде.

Саяхат қызықтары мен пайдалы ақпаратты Instagram және Facebook парақшаларынан оқи аласыз!