© pixabay.com
Астана әуежайының өкілдері рейстердің кешігуін түсіндірді
Астана әуежайының баспасөз қызметінің өкілдері елордалық әуеайлақта қанша рейс кешігіп жатқаны туралы айтты, - деп хабарлайды Kaz.tengritravel.kz тілшісі.
Әуежай штаттық режимде жұмыс істеп жатқанына қарамастан, таңғы 10:00 кезінде ұшып келуі керек 14 рейс және ұшып кету керек болған 9 рейс кешіккен.
"Себеп - әуекемесінің кешігіп келуі. Әуежайда үнемі қар тазалау жұмыстары жүргізіліп жатыр, оның ішінде ұшып-қону жолақтары да тазартылады. Қажетті мәліметті әуекомпаниялардың call-орталықтарына хабарласып немесе әуежайдың анықтама бөлімінен білуге болады", - деді елордалық әуежайдың баспасөз қызметінің өкілдері.
Айта кетейік, 10 қаңтарда Астананың халықаралық әуежайында ұшу/қону бойынша 19 рейс кешіккен.
