Алматылықтарға тауға шықпауға кеңес берілді

Алматы қалалық төтенше жағдайлар департаментінің өкілдері қала тұрғындары мен қонақтарына таяу күндері көшкін қауіпіне байланысты тауға шықпауға кеңес береді, - деп хабарлайды Tengritravel.kz тілшісі.

"ТЖД көшкін қаупі туралы № 5 дауылды ескерту негізінде: 5-7 наурыз аралығында Үлкен және Кіші Алматы өзендерінің бассейндерінде қар көшкіні болуы мүмкін.

Осыған байланысты қар көшкінін туғызбау үшін қар басқан беткейлерге шығу ұсынылмайды, тауңв шығудан бас тартқан дұрыс", - деді ТЖД баспасөз қызметінің өкілдері.

Бұл күндері дауыл туралы ескерту жарияланды.

Айта кетейік, ақпан соңында Алматы маңындағы котедж қалашықта сел жүрді. Бірнеше коттеждің аумағына топырақ опырылған.

Саяхат қызықтары мен пайдалы ақпаратты Instagram және Facebook парақшаларынан оқи аласыз!