Алматы тауларындағы ерекше құбылыс видеоға түсірілді

Алматы тауларындағы ерекше әдемі құбылыс видеоға түсірілді, - деп хабарлайды Tengritravel.kz.

Сурет және видео авторы Сұңқар Қарабалиннің айтуынша, ол мұны Шымбұлақтан Медеуге бара жатқанда түсіріп алған.

"Тауға жиі шығамын. Карантинге байланысты мұнда жиірек келуге мүмкіндік болды. Ал бүгін мұнда келуге тағы бір жақсы себеп болды - бүгін әйелімнің туған күні", - дейді видео авторы.

Қарабалиннің айтуынша, ол тауға жиі шыққанымен мұндай құбылысты алғаш рет көріп отыр екен.

"Біз Шымбұлақтан Медеуге жаяу бара жатқанбыз. Күн бата бастағанда таулар әдемі түске бояла бастағандай болды. Осындай ерекше құбылыстың куәгері болғанымызға қуаныштымыз", - дейді ол.

Сұңқар Қарабалин бұл суреттер мен видеоны сүйікті жарына арнапты.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!