Алматы тауларында жасөспірім шыңнан құлап кетті

Алматы тауларында оқыс оқиға болды. Тауға шыққан жасөспірімдердің бірі Хрищатый шыңына шыққан кезде биіктен құлап, ауыр жарақат алды, - деп хабарлайды Tengritravel.kz тілшісі.

Оқиға туралы Алматы қаласының құтқару қызметінің баспасөз қызметі хабарлады. Төтенше жағдайлар департаментінің кезекші бөліміне оқиға туралы хабарлама сағат 11:55-те түскен. Оқиға орнында зардап шеккен адамның үш досы болған, олардың жасы алдын ала деректер бойынша 15-17 жас аралығында. Олар өздерінің досының биіктен құлап кеткенін және құтқарушылардың шұғыл көмегі қажет екенін айтқан. Жасөспірімдердің жеке мәліметтері жарияланбайды.

"Сағат 12:00-де КСП "Тұйықсу" базасынан құтқарушылар экипажы (жеке құрамнан 4 адам, 1 техника) жолға шықты. Экипаждың аға басшысы – А-95. Сағат 13:20-да Хрищатый шыңына қосымша құтқарушылар экипажы Байзақов көшесі, 300 мекенжайынан (жеке құрамнан 5 адам, 1 техника) жолға шықты. Экипаждың аға басшысы – А-137. Сағат 14:38-де А-95 байланысқа шығып, зардап шеккенді Шымбұлаққа түсіру жұмыстары басталғанын хабарлады", – делінген ведомство хабарламасында.

Құтқарушылар зардап шеккен жасөспірімді ауыр жағдайда тапты. Шамамен 15:30-да құтқарушылар Республикалық жедел-құтқару жасағының (РЖҚЖ) қызметкерлерімен кездесіп, зардап шеккенді бірлесіп түсіруді жалғастырды. Жасөспірім төменге жеткізілді, оған қажетті медициналық көмек көрсетілген.

Саяхат қызықтары мен пайдалы ақпаратты Instagram және Facebook парақшаларынан оқи аласыз!