Алматы - Тараз рейсіне билет 9 000 теңгеге сатылады
Алматы - Тараз субсидияланатын әуемаршрутына қосымша конкурс өткізілді, - деп хабарлайды Kaz.tengritravel.kz тілшісі Қазақстан Республикасы Индустрия және инфрақұрылымдық даму министрлігінің Азаматтық авиация комитетіне (ҚР ИИДМ ААК) сілтеме жасап.
Ведомствоның мәліметінше, тұрақты рейстер 2021 жылдың 5 қарашасынан бастап орындалады.
"Жамбыл облысы әкімдігінің бастамасымен Алматы - Тараз - Алматы әлеуметтік маңызы бар әуе бағытына байқау өткізу туралы шешім қабылданды. Байқаудың қорытындысында SCAT әуе компаниясы осы бағытта тасымалдаушы болып айқындалды", - делінген хабарламада.
Рейстер 148 және 50 орындық "Б-737" және "CRJ-2" әуе кемелерімен аптасына 6 рет орындалады. Билет құны тоғыз мың теңге болады.
Еске салайық, бұған дейін Тараздан тек Нұр-Сұлтан қаласына ұшуға болатын еді.
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!