Алматы мен Қонаев арасындағы ЛРТ желісін Түрік компаниясы салатын болды

Алматы мен Қонаев арасындағы жеңіл рельсті көлік желісін (ЛРТ) түрік компаниясы салады. Осыған дейін Индустрия және инфрақұрылымдық даму министрлігі автомобиль жолдары комитеті оны Ақтөбе-Мақат жолын қалпына келтіруге байланысты сотқа берген болатын. Алматы облысының әкімдігі атышулы компанияны таңдауының себебін түсіндірді, - деп хабарлайды Tengrinews.kz тілшісі.

Облыс әкімі Марат Сұлтанғазиев 15 маусымда "Ташяпы" серіктестігімен әріптестік туралы меморандумға қол қойған. Шетелдік компания Алматы облысындағы ЛРТ жобасына толық бірге жүруі керек: құжаттарды дайындаудан бастап нысан құрылысына дейін.

"Шынымен де, Мемлекет басшысының Қонаев қаласына инвестиция тарту жөніндегі басым міндетті жүзеге асыру туралы жолдауын іске асыру аясында Алматы облысы әкімдігі мен Түркия мемлекетінің "Ташяпы" компаниясы өкілдері арасында ынтымақтастық туралы меморандумға қол қойылды. Келісімнің тақырыбы облыстың елді мекендері үшін жеңіл рельсті көліктің техникалық-экономикалық негіздемесін, жобалық-сметалық құжаттамаларын әзірлеу және салу бойынша жұмыстарды жүргізу үшін ынтымақтастық пен серіктестік орнату болды", - деді облыс әкімі.

"Ташяпы" серіктестігі 1979 жылдан бері өзін "түрлі салаларда инвестициялық қызметті жүзеге асыратын тұрақты кәсіпорын және сенімді іскер серіктес" ретінде танытқаны айтылды. Олардың қатарында энергетика, туризм, мұнай, ауыл шаруашылығы және тамақ өнеркәсібі, сондай-ақ тау-кен және аэроғарыш өнеркәсібі бар. Түрік компаниясының серіктес елдері Ирак, Ресей, Қазақстан және Дубай, сондай-ақ Африка континентінің мемлекеттері бар.

"2019 жылы Индустрия және инфрақұрылымдық даму министрлігі жол комитеті мен "Ташяпы" серіктестігі арасында туындаған сот дауларының болуына қатысты бүгінде тараптар арасындағы барлық келіспеушіліктер шешілді.

2022 жылдан бастап "Қарағанды-Жезқазған", "Ақтөбе-Қарабұтақ-Ұлғайсын" және "Оңтүстік-Батыс Шымкент айналма жолы" автокөлік жолдарын қайта жаңғырту жобаларын жүзеге асыру бойынша айналма жол мен Ташяпы арасында келіссөздер жүргізіліп жатыр", - деді ведомство өкілдері.

Осыған дейін ЛРТ Талғар, Еңбекшіқазақ, Іле, Қарасай, Жамбыл аудандарын, сондай-ақ Қонаевты қамтитыны хабарланған болатын. Жалпы ұзындығы шамамен 146 шақырым. Оның жартысы Ұзынағаш - Қаскелең - Алматы – Есік - Талғар бағытына, ал қалған жартысы - Алматы мен Қонаев арасын байланыстыратын болады.

Еске салайық, аталған жоба аясында Талғар мен Қаскелеңде автотұрақ пайда болады. Онда Алматыға ЛРТ арқылы жету үшін көліктерді қалдыруға болады. Шілде айында түрік компаниясы техникалық-экономикалық негіздеме әзірлеуге кіріседі. ЛРТ ұзындығы 80 шақырым, ал Алматы мен Қонаевты қосқанда 150 шақырымдай болады. Бірінші кезеңде Талғар мен Алматы арасын жалғау жоспары бар. Қонаев – Алматы бағыты бойынша жоба екінші кезең болмақ.

Сілтемесіз жаңалық оқисыз ба? Онда Telegram желісінде парақшамызға тіркеліңіз!