@Shutterstock @Shutterstock

Алматы - Дубай рейсі бір тәулікке кешіктірілді


Бүгін таңертең ұшуға тиіс Алматы - Дубай рейсі бір күнге ауыстырылды. Жүзден аса жолаушы рейсін күтуде, - деп хабарлайды Kaz.tengritravel.kz тілшісі әуекомпанияның сайтына сілтеме жасап.

Араб лоукостері Flydubai FZ 1722 рейсі Нұр-Сұлтан уақытымен 4.50-де Алматыдан Дубайға ұшуы керек еді. Алайда жолаушыларға техникалық себептер бойынша рейстің кейінге қалдырылғаны туралы хабарланды.

Лоукостердің колл-орталығының мәліметінше, әуебилеттерді брондау жүйесінде рейстің кейінге қалдырылғаны көрсетілген.

"FZ1722 рейсі бір күнге ауыстырылды. Біз әлі себептерді атай алмаймыз. Жолаушыларға қажетті ақпаратпен электрон поштаға SMS немесе хат келеді. Сондай-ақ, олардан билетті ауыстыру немесе толық қайтару сұралады. Мүмкін ұшу ертерек жоспарланған шығар. Әзірге толық ақпарат бере алмаймыз", - деді колл-орталықта.

Алматы халықаралық әуежайындағылар да рейсті басқа уақытқа ауыстырғанын атап өтті.

Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Балықтармен би билеп, киттерді тамашалауға болады. Филиппин мемлекетінің ең жақсы курорттары жайлы Балықтармен би билеп, киттерді тамашалауға болады. Филиппин мемлекетінің ең жақсы курорттары жайлы
Қазақстандықтарды Мысырдан шығару күндері аталды Қазақстандықтарды Мысырдан шығару күндері аталды
Қырғызстан барлық туристер үшін ПТР-тест енгізді Қырғызстан барлық туристер үшін ПТР-тест енгізді