Алакөл-2022: қай жерде шомылу керек және демалыс аймағын қалай таңдау керек

Шілдеде Шыңғыс ханның сүйікті көлі - Алакөлде демалу үшін ең ыстық уақыт басталады. Біз бұған дейін су қоймасына пойызбен, автобуспен және көлікпен қалай жетуге болатынын егжей-тегжей материалдар жаздық. Енді Kaz.tengritravel.kz тілшісі қай жерде жүзу жақсы екенін және демалыс аймағын қалай таңдауға болатынын айтады.

Алакөлге қашан бару керек

Шілденің ортасынан тамыздың ортасына дейін Алакөлдегі су 28 градусқа дейін, ал ауа 38-40 градусқа дейін қызады. Бұл уақыт шомылу маусымының ең қолайлы кезі болып саналады. Маусымда және тамыздың екінші жартысында мұнда демалу ыстықты ұнатпайтындарға жарайды. Ол кезде су шамамен 23 градус, ауа температурасы шамамен 28-30 градус болады. Айтпақшы, бұл уақытта демалыс арзандау болады. Қонақүйлердегі шығын 20-30 пайызға төмендейді.

Алакөлде қайда шомылу керек

Көл екі өңірдің - Жетісу (бұрынғы Алматы облысының бөлігі) және Абай облысының (бұрынғы Шығыс Қазақстан облысының бөлігі) шекарасында орналасқан. Ең жақын ірі елді мекендер - Жетісу облысындағы Үшарал және Абай облысындағы Үржар қалашығы. Ең танымал курорттық ауылдар - Ақши, Көктұма және Қабанбай. Алғашқы екеуі - Жетісу, соңғысы Абай облысына жатады.

Көптеген турист Алакөлді теңіз деп атайды. Бұл көлдің мөлшеріне байланысты ғана емес, сонымен қатар судың құрамы теңізге жақын болғандықтан солай аталады. Абай облысы жағынан көлдің бір бөлігі тұзды, ал Жетісу облысы жағынан - тұщы, жұмсақ.

Фото @aydanavgust 

Абай облысы жағынан тоған жер асты және минералды бұлақтармен қоректенеді, сондықтан су минералды, тұзды және қатты болады. Дәл сол себепті Алакөлдің осы бөлігінде сауықтыру туризмі дамыған.

Қабанбай ауылында суға түсетін жағажайлар басым. Демалыс маусымында халық көп. Ал Ақши мен Көктұма курорттарында биіктігі 5-тен 10 метрге дейін жететін жартастар бар. Жағалау қатты үлкен емес. Қара тас пен құмның топырақ құрылымы тұрақсыз. Сондықтан мұндай жағажайларда құлау жиі кездеседі. Осыған байланысты 2021 жылы жағалауды нығайту жұмыстары басталды.

Кешке жартастар жағалауды көлеңкемен жабады. Сонымен қатар, жақсы жабдықталған және жартастың шеті кесілген ыңғайлы демалыс орындары бар.

Сарапшы Наталья Боровая 10 жыл бойы "Алакөл қанаты" фестивалін ұйымдастырып келеді. Ол Жетісу облысының Ақши ауылында өтеді.

"Ақшиде тасты жағажай бар. Оның кремний құрамы емдік қасиеттерге ие. Бұл туралы көп жазылады, туристерге айтылады, бұл жерге адам көп келеді. Бірақ Ақши қаласына осы тасты жағажайға барар алдында Шығанақтан өту керегін түсіну керек. Бұл жерлерде қонақтарға демалыс орындарын ұсынатын арнайы паромдар бар. Қалғандары жағалаумен жүре алады. Тек резидент еместер күн төсеніштерін, қолшатырларды және қонақүйдің басқа жабдықтарын пайдалана алмайды", - деп түсіндірді ол.

Келесі станция - Көктұма Ақшидан бірнеше шақырым жерде орналасқан. Сазды құмды жағажай бар. Наталья Алакөлде ақылы жағажайлар жоғын атап өтті. Өйткені бүкіл жағалау - мемлекеттік.

"Сіз туристік пакет алмай, өзіңіз келуіңізге де болады. Көктұма маңында шатырлар үшін орындар бар. Шатырлы лагерьлер жоқ, жабдықты пен азық-түлікті өзіңіз ала келіңіз. Бұл жерде қоқыс қалдырмау керек. Жалпы қазір Алакөлде демалыс базалары өте көп, олардың барлығы кенттердің бойында, жағалау бойында. Бағалар шарттарға байланысты әртүрлі. Сіз бір бөлмені 10 мыңға жалға алып, төртеу болып тұра сүре аласыз немесе бір адамға 30-40 мың төлей аласыз. Мұның бәрі қызмет көрсету мен орналастыру шарттарына байланысты", - дейді ол.

Демалыс орталықтары оңтүстік және шығыс жағалауларында бірдей көп. Ақши мен Көктұма қалаларында олар бірнеше шақырымға созылады, ал Қабанбайда бәрі өте жинақы. Содан бірінші жағдайда туристер аз болады, ал Кабанбайда шағын аумаққа байланысты адамдар көп болады.

Шаршы метрді басқа туристермен бөлісуге дайын емес адамдар өздерінің жағажайлары бар қонақүйлерден орын сатып ала алады. Бірақ мұнда баға жоғары.

"Демалыс базаларының тағы бір артықшылығы ойын-сауық бағдарламасы, аниматорлар да бар. Қалайуынша шатырда қалып, шомылып, күнге астында жата алады. Тәжірибелі туристер жақын маңдағы басқа жерлерге бара алады. Петроглифтер, Жоңғар Алатауы тауларына, Жалаңашкөлге барады. Айтпақшы, экскурсиялар сирек ұсынылады, ал мұнда гидтер жоқ, оларды жергілікті тұрғындар арқылы іздеу керек", - дейді Наталья Боровая.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!