Ақтау әуежайында адамдар эвакуацияланды

Ақтау әуежайынан жолаушылар мен қызметкерлерді эвакуациялады. Әуе айлақ ғимаратында арнайы қызметтер жұмыс жүргізіп жатыр. Бұл туралы куәгерлер мәлімдеді, - деп хабарлайды Kaz.tengritravel.kz тілшісі Lada.kz басылымына сілтеме жасап.

Куәгерлердің айтуынша, әуежайдағы барлық адамды көшеге шығарды. Ғимаратта құқық қорғау органдары қызметкерлері жұмыс істеп жатыр екен.

"Ешқандай ескерту жасалмады, бар айтқаны - "дереу ғимараттан бой тасалау керек". Оқиға орнына полицейлер келді. Диспетчерлік бөлімге көтерілді. Барлық жерде камуфляж кигендер жүр", - дейді куәгерлер.