Air China борты Чэндудан Нұр-Сұлтанға алғашқы рейсін орындады

Қытайдың Air China әуекомпаниясы 28 тамыздан бастап Чэнду - Нұр-Сұлтан жаңа бағыты бойынша тұрақты жолаушылар рейсін орындай бастады, - деп хабарлайды Kaz.tengritravel.kz тілшісі.

Елордадағы әуежай баспасөз қызметінің мәліметінше, рейс А320 типті әуе кемелерінде жексенбі күндері аптасына бір рет жиілікпен жүзеге асырылады.

Бұған дейін Қазақстанның Индустрия министрлігі Қазақстан мен Қытай арасындағы әуе қатынасын арттыру екі ел арасындағы сауда-экономикалық, инвестициялық, туристік және мәдени ынтымақтастықты дамытуды жеделдетуге мүмкіндік беретінін атап өткен болатын.

Чэнду - Қытайдың Сычуань провинциясының әкімшілік орталығы.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!