Фото @pixabay Фото @pixabay

2022 жылдың жазында Қазақстанға кім, қайдан және қайда келді


2022 жылдың 1 маусымынан бастап Қазақстанға 160-тан аса елден жүз мыңнан астам шетелдік турист келді. Бұл туралы Kaz.tengritravel.kz тілшіcінің сауалына жауап ретінде Kazakh Tourism хабарлады.

Ведомствоның мәліметінше, 2022 жылғы 1 маусымнан 8 тамызға дейін орналастыру орындарында 102 742 шетелдік турист тіркелген. Салыстырмалы түрде айтсақ, 1 қаңтардан 8 тамызға дейін жүйеде 205 194 адам тіркелген.

Туристер үшін ең танымал орын Алматы қаласы болды - 35 983 адам. Екіншісінде - Нұр-Сұлтан - 23 442 турист, одан кейін Маңғыстау облысы - 6 883, Ақтөбе облысы - 5 176, Ақмола облысы - 4 634, Қызылорда облысы - 4 312, ШҚО - 3 254, Атырау облысы - 3 111, Шымкент - 2 822 адам.

Мұндай деректер eqonaq ақпараттық жүйесінен алынған, онда барлық шетелдік қонақ орналастыру орындарына орналасу кезінде тіркеледі. Базада 7 961 орналастыру орны: қонақүйлер, хостелдер, апартаменттер, кемпингтер, турбазалар, демалыс үйлері, пансионаттар, тау шаңғысы базалары, балалар лагерьлері, сауықтыру орталықтары бар.

"Қазіргі уақытта біз eQonaq жүйесін белсенді түрде енгізудеміз және әзірге барлық орналастыру орындарын қамтыған жоқпыз. Сондықтан нақты статистика 1,5-2 есе көп. Көп ұзамай бізде бірінші жартыжылдықтағы ресми мәліметтермен салыстыру мүмкіндігі болады. Жарияланым әдетте үш айға созылатынын ескере отырып, бұл қыркүйекте болады", - деп түсіндірді "Kazakh Tourism" ҰК АҚ баспасөз хатшысы Ернұр Кенжебеков.

Берілген ақпаратқа сәйкес, туристердің саны 160-тан астам елден келген. Туристердің басым бөлігі Ресейден – 53 177 адам, Өзбекстаннан – 10 407, Түркиядан – 3 148, ҚХР – 2 954, Германиядан – 2 309, Қырғызстаннан – 2 068, Тәжікстаннан – 2 050, Сауд Арабиясынан – 1 977, Үндістаннан – 1 762 және Ұлыбританиядан 1 526 адам болды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!





Осыған ұқсас мақалалар

Қазақстанда әуекомпаниялардың зейнеткерлер үшін қандай жеңілдігі бар Қазақстанда әуекомпаниялардың зейнеткерлер үшін қандай жеңілдігі бар
Еуропаға саяхатты қалай жоспарлау қажет? Еуропаға саяхатты қалай жоспарлау қажет?
Гавайға ұшқан барлық жолаушыларға ерекше сыйлық берілді Гавайға ұшқан барлық жолаушыларға ерекше сыйлық берілді