Вьетнамда тұрғындар мен туристерге от пен су шоуы көрсетіледі

Енді жұма сайын кешке Вьетнамның Дананг қаласындағы Айдаһар көпірінде от пен су шоуы өтеді, - деп хабарлайды Kaz.tengritravel.kz тілшісі Breakingtravelnews.com сайтына сілтеме жасап.

Дананг Көлік департаменті директорының орынбасары Буй Хоанг Чунг қазіргі уақытта шоу әр сенбі, жексенбі және мереке күндері 21:00-де көрермендерге қолжетімді екенін айтты.

Айдаһар көпірінде сәндік жарықтандыру жүйесі орнатылған, ал от пен су көрсеткіштері жарық эффектілерімен үйлеспей орындалады. Алайда, Дананг қаласының халық комитеті құрылыс департаментіне көпірді туристер мен тұрғындар үшін тартымды ету үшін жарықпен бірге су мен от шоуын ұйымдастыруды тапсырды.

Дананг билігі Айдаһар көпіріне арналған тағы бес шоу-бағдарлама құрып, дыбыстық жүйені орнатуды жоспарлап отыр.

Айдаһар көпірі - Вьетнамның Дананг қаласындағы Хан өзені арқылы өтетін көпір. Бұл жай ғана ыңғайлы өткел емес, сонымен қатар Вьетнам қалаларының бірінің жандануының белгісі және туристер үшін тартымды орын болды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!