Ұшақта мас жолаушы бортсеріктермен төбелесіп, қамауға алынды

06 қыркүйек 2022 11:56

Лондоннан Кипрге ұшқан жолаушы бортсеріктермен төбелесіп, рейсті тоқтатты. Бұл туралы Simple Flying порталы жазады.

EasyJet рейсінде 22 жастағы ұлыбританиялық мас күйінде ұшуға қауіп төндіріп, экипаж мүшелеріне шабуыл жасады.

Әуе кемесінің командирі маршруттан ауытқып, Грекияға қонуға мәжбүр болды. Ер адамды полиция ұстады, қамауға алынды. Оған бірнеше қылмыстық айып тағылды.

Тексеру барысында құқық қорғау органдарының қызметкерлері жолаушының орындығының астынан бірнеше бос бөтелке тапты.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!