Ұшақта бортсеріктің мазасын алған жолаушы жазаланды

АҚШ-та жолаушы ұшақ бортында ұрыс-керіс шығарды. Экипаж мүшелері оны рейс аяқталғанға дейін орындыққа отырғызып, скотчпен орап тастады. Бұл туралы New York Post жазады, - деп хабарлайды Kaz.tengritravel.kz тілшісі Lenta.ru басылымына сілтеме жасап.

Оқиға Frontier Airlines әуе компаниясының бортында болған. Әуе кемесі 31 шілдеде Филадельфиядан Майамиге бағыт алған. Ұшу кезінде 22 жастағы Максвелл Берри (Maxwell Berry) екі сусынға тапсырыс береді. Кейін экипаж мүшелерінің ескертулеріне мән бермей, бортсерікті сексуалды қатынасқа тарта бастаған.

Содан соң жолаушы екі бортсерікті құшақтап, омырауын ұстаған. Нәтижесінде ер адам мәжбүрлеп орындыққа отырғызылды, бірақ кейін ол бортсерікпен төбелесе бастайды. Нәтижесінде экипаж мүшелері оны скочтпен орап, ұшақ қонғанға дейін байлап тастады.

Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!