Ұшақ жолаушысы 10 мың метр биіктікте босанды

Өзбекстан азаматшасы "Екатеринбург-Ташкент” бағытындағы ұшақта босанды, - деп хабарлайды Tengritravel.kz тілшісі News.ru сайтына сілтеме жасап.

Бұл туралы Дмитрий есімді жолаушы өзінің авторлық блогында мәлім етті.

Ер адамның сөзінше, он мың метр биіктікке көтерілгенде жүкті әйелді толғағы қысқан. Бұған дейін ұшаққа мінгеннен әйел жағдайының нашар екенін айтып, шағымданған көрінелі. Кейін оның жүкті екені анықталды.

"Уральские авиалинии" әуекомпаниясы бұл оқиғаға қатысты түсініктеме бермеді.

"Ұшу кезінде өзбекстанстандықтар саны бір адамға толықты. Ауырып отырған жолаушымыз жүкті екен. Ол 10 мың метр биіктікте аман-есен босанып, ана атанды", - деп сүйінші жаңалығымен бөлісті ол.

Дмитрийдің айтуынша, экипаж мүшелері жолаушылардың арасынан дәрігерлерді іздестірді. Дәрігерлер табылмағандықтан, өздері босандырып алуға мәжбүр болды.

Саяхат қызықтары мен пайдалы ақпаратты Instagram және Facebook парақшаларынан оқи аласыз!