видеодан үзінді видеодан үзінді

Ұшақ бортында жолаушылар мен полицейлердің төбелесі видеоға түсірілді


Ресейдің Новосібір қаласында ұшақ бортында екі мас жолаушы полиция қызметкерлерімен төбелесті. Осы оқиғаның видеосы "ВКонтакте" желісіндегі "Город Домодедово" парақшасында жарияланды. 

23 ақпанда таңғы уақытта Новосібір - Мәскеу әуерейсінің жолаушылары жанжал шығарды, бұл кезде ұшақ Толмачев атындағы халықаралық әуежайда тұрған. 

Ресейдің көліктегі тергеу комитетіне қарасты Батыс-Сібір тергеу басқармасының сайтында ер адамдарға қатысты "көлік полициясы қызметкерлерін көпшілік алдында қорлау және оларға қатысты күш қолдану" дерегі бойынша қылмыстық іс қозғалғаны жазылған. 

Ер адамдар қоғамдық тәртіпті бұзып, жанындағылардың мазасын қашырған, сондықтан экипаж мүшелері тәртіп сақшыларын шақырған. Алайда, олар полицейлердің де талаптарына қарсы келіп, шабуыл жасап, оларды көпшілік алдында қорлаған. Осыдан кейін ол екеуіне кісен салынды. 

Оқиғаның мән-жайы анықталып жатыр. 




Осыған ұқсас мақалалар

Таиландта автобус өртенді: 3 ересек пен 2 бала қайтыс болды Таиландта автобус өртенді: 3 ересек пен 2 бала қайтыс болды
Израильге кіруге рұқсат етілетін туристердің санаты аталды Израильге кіруге рұқсат етілетін туристердің санаты аталды
Маңғыстауда сирек кездесетін қызғалдақтар гүлдеді Маңғыстауда сирек кездесетін қызғалдақтар гүлдеді