Түркиядағы қонақүйлерде 16 шілдеден бастап орын тапшы болуы мүмкін

Түркия президенті Режеп Ердоған елде 16 шілдеден 26 шілдеге дейін созылатын онкүндік демалыс жариялады. Бұл күндері елде ең маңызды мұсылман мерекелерінің бірі Құрбан айт тойланады, - деп хабарлайды Kaz.tengritravel.kz тілшісі Тourweek.ru басылымына сілтеме жасап.

Қазірдің өзінде жергілікті тұрғындар курорттық аймақтардағы қонақүйлерді, соның ішінде төрт және бес жұлдызды бөлмелерді жаппай брондап жатыр. Кейбір қонақүйде келесі аптадағы барлық бөлме сатып алынды және олар сатылымды тоқтата тұрғанын хабарлады.

Әсіресе арзан шағын қонақүйлер мен пәтерлерде демалушылар көп болады деп күтіледі. Бұл Түркияға туристік агенттіктердің қызметін пайдаланбай, өз бетімен баратын туристер үшін проблема тудыруы мүмкін.

Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!