Түркияда турист қонақүй бөлмесінде әйелін ұрып өлтірді

Түркиядағы қонақүйлердің бірінде демалып жатқан Эстониядан келген турист әйелін бөлмеде ұрып өлтірді. Бұл туралы Hurriyet жазады.

Басылым Анталия провинциясындағы Кемердегі қонақүй бөлмесінде ерлі-зайыптылар арасында белгісіз себептермен жанжал болғанын айтады. Ауызша қақтығыстан кейін ұрыс басталған. Эстонияның 42 жастағы азаматы 41 жастағы әйелін ұрып-соғып, тістерін қағып, денесінде көптеген жарақат қалдырғаны туралы хабарланған.

Оқиға орнына дәрігерлер келіп, жәбірленушіні ауруханаға алып кетті. Алайда әйелді құтқару мүмкін болмады, медициналық мекемеге барар жолда қайтыс болды. Түрік полициясының қызметкерлері күйеуін қонақүйде ұстағаны белгілі болды.

Өлген адамның денесін тексеру кезінде мамандар 4 және 5 сантиметр тереңдікте көптеген көгерулер мен тілінген іздерді тапты. Кейін әйелдің денесі Отанына жіберілді. Ұсталған адамға қатысты іс жүргізу жалғасып жатыр.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!