Түркияда демалыс маусымының жабылу күні аталды

Түркиядағы Бодрум курорттық қаласы (Мугла провинциясы) туристік маусымды ұзартуға ниетті. Оның аяқталу күнін Бодрум қонақүйлерінің қауымдастығы атады, - деп хабарлады Türkiye Telegram-каналы.

"Маусымды 28 қазанда аяқтау жоспарланған болатын. Бұл уақытта көптеген қонақүй жабылып, рейстер саны азаяды. Бірақ үлкен сұранысқа байланысты туристік маусымды 15 қарашаға дейін ұзарту туралы шешім қабылданды", - деді қауымдастық өкілдері.

Сондай-ақ, олар қазіргі уақытта чартерлік бағдарламалардың көпшілігін қарашаның ортасына дейін ұзарту туралы келіссөздер жүріп жатқанын айтты.

"Біз әзірге 15 қарашаға тоқтадық. Бірақ бұл мерзімді қарашаның соңына дейін ұзартуға болады. Бодрумда осы уақытта ауа райы өте ыңғайлы", - деп атап өтті департамент өкілдері.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!