Туристерге мұхит түбіне батып кеткен "Титаникті" көру ұсынылады

Туристерге әлемдегі ең әйгілі апатты көру - "Титаникті" жақын жерден зерттеу ұсынылады, - деп хабарлайды Kaz.tengritravel.kz тілшісі.

OceanGate компаниясының басшысы Стоктон Раш өзінің командасы терең теңіз саяхаттары үшін қолдан келгеннің бәрін жасады деп үміттенеді. Оның ішінде Илон Маск, Ричард Брэнсон және Джефф Безос ғарышқа саяхаттау үшін не істейтін болса, соншалық орындайды деген сенімде. Раш туристерге арнайы дайындығы болмаса да, мұхит тереңдігін көруге мүмкіндік бергісі келеді.

"Адамдар ғарышқа аз шығынмен және үнемі ұшатын уақыт келеді. Менің ойымша, дәл осындай жағдай су астында болады", - дейді ол.

Раш "Титаникке" қатысты арманын жүзеге асыру үшін мұхит кемесінен "Титаниктің" 3800 метр тереңдігіне бес адамға дейін жеткізе алатын жеңіл материалдардан жасалған суасты көлігінің жаңа түрін жасауға мәжбүр болды.

Бірнеше сынақтан кейін Раш OceanGate қызметкерлерінің тобын, ғалымдарды және туристердің шағын тобын жинады. Олардың әрқайсы 1912 жылы батып кеткен "Титаникті" жақыннан көру мүмкіндігі үшін 250 000 долларға дейін (шамамен 118 635 850 теңге) төледі. Бұл сүңгуірге банкир Рената Рохас, кәсіпкер Ойсин Фаннинг және тележүргізуші Джейден Пан, сондай-ақ океанограф Стив Росс және сүңгуір ұшқыш Скотт Гриффит қатысты.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!