"Тек әкем екеуміз ұшамыз". Қазақстандықтар Ресейге ұшып бара жатқан бос ұшақтың видеосын бөлісіп жатыр

Қазақстандықтар әлеуметтік желіде Ресейге ұшып бара жатқан бос ұшақпен видеосын таратты, - деп хабарлайды Kaz.tengritravel.kz тілшісі.

Роликтің авторы белгісіз. Видеода ер адам ұлымен бірге Ресейге ұшып бара жатқанын айтып, бірақ қайдан екенін айтпайды. Кадрдан ұшақтың бос екенін көруге болады. Роликтің кейіпкері "бүкіл ұшаққа тапсырыс бергенін" мысқылмен айтады.

Кейбір желі пайдаланушылары мен БАҚ ұшақ Қазақстаннан ұшқан деп есептеген. Алайда, кадрлар мен орындықтарға қарағанда, бұл - S7 Airlines әуекомпаниясының борты. Азаматтық авиация комитетінің мәліметінше, аталған әуекомпания Қазақстаннан Ресей Федерациясына рейстерді орындамайды. Қазақстаннан Ресейге ұшатындардың арасында Qazaq Air, SCAT, "Россия", "Азимут", Red Wings және UTAir бар.

Telegram арналарының бірінде S7 Airlines "ерекше" рейсі Бішкектен Иркутскіге ұшқанын түсіндірілді. Бортта екі жолаушы болған. Олар 26 қыркүйекте, дүйсенбіде Airbus A320 ұшағымен ұшқан.

"Басқа күндері жүктеме көбірек (70-100 билет сатылады). Әуекомпания бұл рейсті (S7 6320) 20 қыркүйектен бастап іске қосты. Кестеде ол сейсенбі және сенбі күндері тұр, бірақ осы аптада қосымша дүйсенбі мен бейсенбіде болады", - делінген хабарламада.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!