Таиланд туристер үшін қаңтарда ашылады

Таиландтың барлық провинциясы шетелдік туристер үшін 2022 жылдың қаңтарында ашылады. Оларға карантин де, басқа шектеулер де қолданылмайды. Бұл туралы 6 қыркүйекте Таиландтың туризм және спорт министрі мәлімдеді, - деп хабарлайды Kaz.tengritravel.kz тілшісі Тourdom.ru басылымына сілтеме жасап.

"Біз кейбір провинцияда ішкі туризмді 1 қарашада, ал халықаралық туризмді қаңтарда бастаймыз деген үміттеміз. Сонымен бірге, біз көптеген шектеуді, мысалы, елге келген туристер сақтауға мәжбүр болған карантинді алып тастауға дайынбыз", - деді туризм министрі Пхипат Ратчакитпракарн.

Бангкокқа келетін болсақ, ол қарашада шетелдік саяхатшылар үшін де ашық болады. Алайда, "Пхукеттің құмсалғыш" бағдарламасы аясында туристер мегаполиске келесі айда келе алады.

Жергілікті биліктің мәліметінше, провинцияларды ашудың басты шарты - жергілікті тұрғындарды вакциналау. Ол неғұрлым тез жүрсе, қалалар соғұрлым тезірек шетелдік туристерді қабылдай алады.

Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!