© REUTERS © REUTERS

Сеулде коронавирустың үшінші толқыны басталғаны хабарланды


Оңтүстік Корея астанасы Сеулде коронавирус инфекциясының үшінші толқыны басталды. Бұл туралы елдің Денсаулық сақтау министрлігінің өкілі Юн Тэ Хо мәлімдегенін The Korea Herald жазды, - деп хабарлайды РИА Новости.

"Біз (Сеул ауданында) вирустық инфекцияның үшінші толқыны жүріп жатыр деп санаймыз, себебі дәл осындай жағдай ақпан-наурыз және тамызда байқалған", - деді шенеунік брифингте.

Ол денсаулық сақтау органдары көп ұзамай муниципалды билік органдарына өз аймақтарындағы жағдайды тиімді шешу үшін әлеуметтік қашықтық деңгейін түзету туралы ұсыныстар тарататынын атап өтті.

"Деңгейдің жоғарылауы вирустың таралмауы үшін тиімді, бірақ бұл экономикаға да әсер етуі мүмкін болғандықтан, олар вирустың қауіп-қатері мен жағдайды саналы түрде бағалауы керек", - деп түсіндірді ол.

Оңтүстік Кореяда бірнеше күн қатарынан күніне коронавирус жұқтырған 300-ден аса адам тіркелді. Сеулде жақында 218 жағдай анықталды, бұл тамыздан бергі ең жоғары көрсеткіш.

Елде бес деңгейлі әлеуметтік қашықтық жүйесі қолданылады. Қазанның ортасынан бері онда ең төменгі сақтық деңгейі болған еді, өйткені күніне коронавирус инфекциясын жұқтыратын 60-150 адамнан тіркелді.

Сеул мен Кванжуда шаралар 1.5 деңгейіне көтерілді. Бұл жағдайда негізгі сақтық шараларынан басқа, 100 және одан да көп адамның жиналыстары реттеледі.

Одан бөлек, адамдар көп жиналатын нысандардың қызметі шектеулі. Мектептерге балалардың жалпы санының үштен екісі баруы керек, ал кейбір сабақ онлайн режимінде өтеді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

Emirates Дубайдағы қонақүйлерде тегін түнеуді ұсынады Emirates Дубайдағы қонақүйлерде тегін түнеуді ұсынады
Польшада әлемдегі ең терең бассейн ашылды Польшада әлемдегі ең терең бассейн ашылды
Мысырда 1 желтоқсаннан бастап демалыс қалай өзгереді? Мысырда 1 желтоқсаннан бастап демалыс қалай өзгереді?