Фото: pixabay.com Фото: pixabay.com

Сауд Арабиясы вакцина салдырмаған туристерге карантин енгізеді


Сауд Арабиясы 17 мамырдан бастап көптеген қатаң антиковидтік шектеуді алып тастады. Бірақ 20 мамырдан бастап COVID-19 вирусына қарсы вакциналау туралы куәліксіз келген барлық шетелдік азамат үшін өз есебінен 7 күндік карантин енгізді. Сондай-ақ обсерваториялық қонақүйде болу шығындары автомат түрде әуебилетінің құнына қосылады, - деп хабарлайды Кaz.tengritravel.kz порталы Тourweek басылымына сілтеме жасап.

Елде коронавирусқа қарсы вакцинаның тек 4 түрі: Pfizer, Oxford, Moderna және Johnson&Johnson мақұлданған. Алайда, егер толық вакциналау Сауд Арабиясына келгенге дейін 2 аптадан аз уақыт бұрын жүргізілсе, онда келгендерге вакцинацияланбаған қонақ сияқты мәртебе беріледі.

Карантинге жатқызылатын шетелдік азаматтардың денсаулығын бақылау үшін оқшаулаудың бірінші және соңғы күнінде 2 ПТР-тест жасалады.

Ұшудан үш күн бұрын жасалған ПТР-тестінің теріс нәтижесі туралы растауы бар шетелдіктерге ғана бортқа отыруға рұқсат етіледі. Тест 8 жастан бастап барлық шетелдік үшін міндетті.

Жоғарыда аталған талаптардан басқа коронавирусты емдеуді қамтитын медициналық сақтандыру полисі қажет болады.

Сауд Арабиясына кіретін азаматтардың мына санатына карантин міндет емес:

ел азаматтары;
ресми делегация мүшелері;
дипломаттар;
дипломаттардың отбасы мүшелері;
әуеэкипаж мүшелері.

Ең маңызды жаңалықтар - біздің Facebook парақшамызда! Дəл қазір жазылып алыңыз!




Осыған ұқсас мақалалар

Ресейде аю туристерге шабуыл жасап, бір жігітті сүйреп кеткен Ресейде аю туристерге шабуыл жасап, бір жігітті сүйреп кеткен
Түркияда орман өрті Мармариске жетті Түркияда орман өрті Мармариске жетті
Әлемдік туризм 2019 жылмен салыстырғанда 85 пайызға төмендеді - UNWTO Әлемдік туризм 2019 жылмен салыстырғанда 85 пайызға төмендеді - UNWTO