Нью-Йоркте акула қаупіне байланысты жағажай жабылды

Нью-Йорктегі Рокуэй-бич жағажайы акуланың байқалуынан кейін шомылушылар үшін жабылды, - деп хабарлайды РИА Новости порталы саябақтар департаменті баспасөз қызметінің маманы Дэн Кастаниске сілтеме жасап. 

"Қазіргі уақытта полицейлік авиация әуебақылауын күшейтті, қауіпсіз болған жағдайда біз қайтадан жағажайды ашатын боламыз", - деді Кастанис. Оның айтуынша, бұл жыртқыш балықтардың жағаға жақын келуіне байланысты жабылудың бірінші жағдайы емес. 

Кейінгі бірнеше апта ішінде Лонг-Айленд жағалауында акулалар бес адамға шабуыл жасаған. Олардың алған жарақаты өміріне қауіпті емес. 

БАҚ мәліметінше, жыртқыштардың Нью-Йорк жағалауына жақын келуінің басты себебі - ыстық ауа райы.  

Ең маңызды жаңалықтар - біздің Facebook парақшамызда!