"Нағыз экономкласс". Желі қолданушыларын ұшақтағы ас мөлшері күлдірді

Соңғы жылдары әуекомпаниялар шығындарды азайтуға тырысып келеді. Әсіресе, борттағы тамақ мөлшері азайып барады. Ұшақ жолаушысы борттағы тамақ пакетін ашып, видеоға түсірді. Әлеуметтік желі пайдаланушылары тамақ мөлшеріне қарап, күлкіге қарқ болды, - деп хабарлайды Kaz.tengritravel.kz тілшісі.

Видеоны Reddit платформасының пайдаланушысы жариялады. Америкалық Delta әуекомпаниясының бортында түсірілген видеода жігіт қаптаманы ашады. Пакеттен тек бір кішкентай брецель (алдын ала дайындалған кішкентай нан-тоқаш өнімі) шығады. Америкалықты мұндай кішкентай порция күлдірді.

Желі пайдаланушылары видеоға таңғалды. "Төмен калориялы тағамдар", "бәрін бір отырыста жеуге болмайды", "экономкластағы нағыз тамақ", - деп әзілдеді олар.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!