Мысырда туристер шағымы үшін жедел желі ашылды

Мысыр билігі елдегі қызмет көрсетуге көңілі толмағандар үшін туристерге арнап жедел желі іске қосты, - деп хабарлайды Tengritravel.kz тілшісі Independent басылымына сілтеме жасап.

Мысырдың турагенттер ассоциациясы (ETAA) жеделі желі іске қосылғаны туралы мәлімдеді. 19654 телефон нөміріне немесе Tourism@mota.gov.eg электронды мекенжайына жергілікті және шетелдік туристер шағымдары мен ұсыныстар қалдыра алады.

Ұйым үндеуінде мәселелердің жедел шешілуіне сеп болатынын айтқан. Туризм және көне заман министрінің орынбасары Гада Шалаби қызметтің тәулік бойы істейтінін мәлімдеді.

Сонымен қатар, ведомство қонақүйлермен жедел желі нөмірінің барлығына көрініп тұратын жерде іліп қоюын келіскен. Сондай-ақ телефон нөмірі мен электронды мекен-жай барлық туристік және археологиялық нысандарда болуы тиіс.

Саяхат қызықтары мен пайдалы ақпаратты Instagram және Facebook парақшаларынан оқи аласыз!