Мысырда полицей туристер мінген автобусқа оқ жаудырды. Қаза тапқандар бар

Мысырда полицей туристер толы автобусқа оқ атты, - деп хабарлайды Tengritravel.kz тілшісі Euronews басылымына сілтеме жасап.

Оқиға Жерорта теңізінің бойындағы Александрия қаласында болды. Мысырлық полицей жеке қаруынан Помпейлік колонна маңында туристер отырған автобусқа оқ атты. Атыс салдарынан кемінде екі израильдік және жергілікті гид (мысырлық) қаза тапты. Сондай-ақ зардап шеккендер де бар.

Құқық қорғау органдары қызметкерлері оқиға болған аймақты қоршауға алды. Әлеуметтік желіде тараған видеода кемінде үш жедел жәрдем көлігі зардап шеккендерді ауруханаға тасып жатқанын көруге болады.

#عاجل | #مصر

شرطي مصري يطلق النار من سلاحه الشخصي بشكل عشوائي أثناء تواجد أحد الأفواج السياحية الصهيونية بمزار عمود السواري في #الاسكندرية#sonarmediacenter pic.twitter.com/v9ffjmRqwV

Жергілік БАҚ өкілдері қауіпсіздік қызметінің өкіліне сілтеме жасап, шабуыл кезінде тағы бір адамға оқ тигенін жазды. Болжамды қаскөй қамауға алынған.

Сонымен қатар Израильдің Сыртқы істер министрлігі израильдік туристерге оқ атылды деген мәліметті тексеріп жатыр.

1979 жылы Мысыр Изриальмен бейбітшілік келісіміне келген және ұзақ уақы бойы израиль-палестиналық қақтығысқа бітістіруші ретінде көрсеткен. Алайда елде антиизраильдік толқу күшейгені айтылады.

Саяхат қызықтары мен пайдалы ақпаратты Instagram және Facebook парақшаларынан оқи аласыз!