Сурет Мысырдың көне дәуір істері министрлігінен Сурет Мысырдың көне дәуір істері министрлігінен

Мысырда Жаңа патшалық дәуірінің 54 тастабыты табылды


Каир оңтүстігіне жақын маңда орналасқан Саккара қорымынан 54 ежелгі тастабыт табылды, олардың жас шамасы 3000 жылдан асады, - деп хабарлайды Kaz.tengritravel.kz порталы Mirror басылымына сілтеме жасап. 

Тастабыттарды Жаңа патшалық дәуіріне жатқызды. Сонымен қатар, 4 200 жыл бұрын көтерілген Нейт ханшайымының жерлеу ғибадатханасы да анықталған. Бұл туралы Мысырдың көне заман істері бойынша министрлік жанынан құрылған ұйымның басшысы, археолог Захи Хавас айтты. 

Тастабыттар 10-12 метр тереңдікте 22 шұңқырдан жақсы күйде табылды. Сонымен қатар, археологтар мүсіндер, ойыншық қайықтар мен жерлеу маскаларын тапты. Сондай-ақ, табылған заттар тізімінде "өлгендер кітабынан" алынған төрт метрлік шиыршық бар, бұл мәтіндер өлгендерге басқа әлемде жол табуға арналған.

"Осы тапқандарымыз арқылы Мысыр және Жаңа патшалықтың тарихын қайта жазуға болады", - дейді Захи Хавас. 

Саккара Мысырдың ежелгі астанасы Мемфистің бір бөлігі. Ол 1970 жылы ЮНЕСКО-ның бүкіләлемдік мұрасы ретінде тіркелді. 

Осы олжаның арқасында, Мысырда туризм саласын ынталандыруға мүмкіндік беретіні айтылады. 2020 жылы елге келушілер саны - 3,5 миллион адам болған, ал 2019 жылы 13,1 миллион турист келген. 


Осыған ұқсас мақалалар

Үндістан билігі туристерге 15 көрнекті жерге барғандары үшін сыйлық уәде етті Үндістан билігі туристерге 15 көрнекті жерге барғандары үшін сыйлық уәде етті
Сауд Арабиясы жаңа бастамаға 3 миллиард доллар жұмсайды Сауд Арабиясы жаңа бастамаға 3 миллиард доллар жұмсайды
"Жұлдызды қорық". Коронавирусты ұмыттыратын 10 мекен "Жұлдызды қорық". Коронавирусты ұмыттыратын 10 мекен