Мексикада туриске шабуыл жасалды. Қаскөйлер оның аяғын кесіп тастаған

Мексикадан АҚШ-қа қайтып келе жатқан туристі танымал Канкун курортында белгісіз біреулер ұрлап кеткен. Ер адам біршама уақыттан соң есін жиған кезде аяғы кесілгенін байқаған, - деп хабарлайды Тourprom.ru басылымы.

Дастан Джексон есімді ер адам мен әйелі Канкундағы демалыстан кейін бірнеше сағаттан соң АҚШ-қа ұшып кетуі керек болған. Ол темекі сатып алу үшін таксиге отырған. Жүргізуші оны жақын маңдағы жанармай құю станциясына апарады, ал тауар болмаған кезде ол азық-түлік дүкеніне баруды ұсынады. Ер адам көліктен түскен кезде оған шабуыл жасалған.

Америкалықтың айтуынша, оған мачетемен қаруланған ер адамдар тобы шабуыл жасаған.

"Олар менің сіңірімді кесуге тырысты, бірақ қолдарынан келмеді. Нәтижесінде менің аяғым жай ғана салбырап тұрды. Жалпы, олар менің барлық сіңірлерімді кесіп, мені өлуге қалдыруға тырысты", - деп бөлісті турист.

Сурет FOX 11 Los Angeles сайтынан

Ер адам түнде шұңқырда жалғыз оянып, көмекке шақырады, бірақ жақын жерде ешкім болмаған. Әлсіреген жәбірленуші брезентке оранып жатады.

"Мен бұл күштің не екенін білмеймін, өйткені мен сол жерде қанша уақыт жатсам да, өлімді күтіп отырсам да, бұл күш маған келіп: "сенің отбасың бар, сенің балаң бар. Тұр" дегендей болды", - деді ол.

Содан кейін ол жолға шығып, жүре бастаған. Ер адам өзінің бақытты екенін және ақыры әйел полицейді кезіктіргенін айтты. Полицей оны әуежайға жеткізген.

Қорқынышты оқиғадан кейін саяхатшы қатыгез шабуыл кезінде аяқ пен иықтың зақымдануын емдеу үшін төрт рет ота жасады. Шабуылдаушылардың қандай мақсаты болғаны хабарланған жоқ.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!