Лираның құлауы Түркиядағы қонақүйлердің бағасына қалай әсер етті

Сарапшылар лира құлдырауының Түркиядағы қонақүйлердің құнына қалай әсер еткенін есептеді , - деп хабарлайды Kaz.tengritravel.kz тілшісі АТОР сайтына сілтеме жасап.

Turizmdatabank аналитикалық агенттігі 2020 жылдың қарашасы мен 2021 жылдың қарашасындағы әртүрлі провинциядағы түрік қонақүйлерінде тұру бағаларын салыстырды, ал АТОР мамандары бұл деректерді түрік лирасының курсымен байланыстырды. Олар лираның құлауы шетелдік туристерге қалай әсер еткенін анықтады.

Мамандар қонақүйге бір түнге орналасу бағасының лираға қатынасын салыстырды және 2021 жылдың қарашасында лирадағы орташа баға өткен жылдың қарашасымен салыстырғанда 37,1 пайызға өсті деген қорытындыға келді.

Анталия қонақүйлерінде 2020 жылдың қарашасында орташа баға 257 түрік лирасын құрады, осы қарашада 338 лира болды, сондықтан мұнда бір түннің орташа бағасы 31,5 пайызға өсті.

Өткен жылдың қарашасында Ыстамбұл қонақүйлерінде баға орташа есеппен 313 лираны, осы жылдың қарашасында 454 лираны құрады. Орташа баға бір жылда 45,1 пайызға өсті.

Шетелдік туристер үшін бағалар түрік лирасында емес, еурода ұсынылатындықтан, қонақүйде тұрудың бағалық динамикасын түрік лирасына еуро бағамының динамикасымен салыстыру қажет. 2021 жылдың қарашасынан бастап лираның бағамы доллар мен еуроға қатысты тез төмендеді.

2020 жылғы қарашада лираға еуроның орташа өлшенген бағамы 9,56, ал биыл қарашада 12,71 болды. Демек, 2021 жылдың қарашасында түрік лирасы бір жыл ішінде еуроға шаққанда 32,9 пайызға арзандады.

Осылайша, қонақүйлер валютадағы бағаны мүлдем көтермеді, қонақүйлерде тұру құны еуро бағамының өсуіне байланысты болды.

Қонақүйлердегі қымбатшылықты жергілікті туристер байқаған болуы мүмкін, бірақ шетелдіктерге аса білінбеді.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!