Қытайда туристі жабайы маймылдар талап тастаған

Қытайда бір топ жабайы маймыл туриске шабуыл жасап, оны талап тастады, - деп хабарлайды Tengritravel.kz тілшісі The Mirror басылымына сілтеме жасап.

Оқыс оқиға Қытайдың Цзянси провинциясындағы Угун тауында болған. Жәбірленуші сол жерге экспедициялық топпен бірге барған көрінеді. Алайда сапар басталғаннан жарты сағаттан кейін олардың алдынан бес-алты макака атып шыққан.

Жануарлар туристерге шабуыл жасаған. Олардың ішінде әйел мен оның досы ең көп жарақат алған. Олар бірден ауруханаға жеткізілді.

Жергілікті билік ауа райына байланысты макакалардың жақында таудан төмен түскенін айтып түсіндірді.

Саяхат қызықтары мен пайдалы ақпаратты Instagram және Facebook парақшаларынан оқи аласыз!