©REUTERS ©REUTERS

Қытайда 22 миллионнан аса адам коронавирусқа қарсы вакцина салдырған


Қазіргі уақытта Қытайда 22 миллионнан аса адам коронавирусқа қарсы вакцина салдырған. ҚХР Денсаулық сақтау мәселелері жөніндегі мемлекеттік комитет басшысының орынбасары Цзэн Исиннің айтуынша, вакцинацияланғандардың саны барлық өңірде үздіксіз артып келеді. Бұл туралы РИА Новости жазды, - деп хабарлайды Tengrinews.kz тілшісі.

"Қауіпсіз және әсерлі вакцинация эпидемияның алдын алу мен бақылауға тиімді, қазіргі уақытта Қытайда COVID-19 вакцинациясы бойынша жұмыс жүйелі түрде жүргізіліп жатыр, вакцинацияланғандардың саны барлық өңірде үнемі артып келеді", - деді Исин брифингте.

Ол "26 қаңтардағы жағдай бойынша, Қытайда COVID-19-ға қарсы вакцина алғандардың саны 22,76 миллионнан асқанын" атап өтті.

Бұған дейін Қытай билігі бірінші кезеңде вакцинаны кеден қызметінің инспекторлары, медицина қызметкерлері, жұмысы импортталған мұздатылған өнімдермен байланысты адамдар, теңіз және авиация саласында жұмыс істейтін қызметкерлер, теңіз өнімдері, қоғамдық көлік нарықтарының және құқық қорғау органдарының қызметкерлері алатынын айтқан болатын. Сонымен қатар, вакцинация эпидемиологиялық жағдайы қиын елдерге жұмысқа немесе оқуға баратын адамдарға да жүргізіледі.

Екінші кезеңде вакцина нарыққа шықса немесе оны өндіру көлемі ұлғайған кезде, вакцинацияланатын адамдардың ауқымы кеңейеді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Осыған ұқсас мақалалар

АҚШ-тың екі штатында бетперде тақпауға рұқсат етілді АҚШ-тың екі штатында бетперде тақпауға рұқсат етілді
Қазақстандықтар Шри-Ланкаға келетін туристердің көшін бастады Қазақстандықтар Шри-Ланкаға келетін туристердің көшін бастады
"Жаман еді, одан да нашарлады" - IATA әуе тасымалының жағдайы туралы "Жаман еді, одан да нашарлады" - IATA әуе тасымалының жағдайы туралы