Қозғалтқыш жарылды: желіде ұшақ бортынан түсірілген видео тарады

Әлеуметтік желіде Рио-де-Жанейродан Сан-Паулуға ұшқан лайнердің бортындағы терезеден түсірілген видео вирусқа айналды. БАҚ мәліметінше, әуеге көтерілгеніне бірнеше минут өткен соң қозғалтқышта едәуір ақау пайда болған - жолаушылардың бірі мұны видеоға түсіріп алған, - деп хабарлайды Tengritravel.kz тілшісі.

Сабрина есімді қыз TikTok желісіндегі парақшасында рейс кезінде түсірілген видео жариялаған. Оның видеосы әп-сәтте вирусқа айналып, бес миллионнан аса қаралым жинаған.

Видеодан турбинадан от шашырағанын байқауға болады. Жолаушылар осы жағдайдан әбден қорқып қалған.

"Өмірімдегі ең қорқынышты сәт, Құдайға шүкір барлығы жақсы аяқталды", - деп жазды қыз бала видео сипаттамасында.

@sacharello o pior momento das nossas vidas, mas graças a Deus deu tudo certo 😭🫶🙏🏻 #acidenteaviao #aviao #aeroportosantosdumont #aeroporto #viajem #trip #fy #turbina #riodejaneiro #companhiaaereagol ♬ som original - Sabrina

Видеоға жеті мыңнан аса пікір жазылған.

Aeroin, басылымының мәліметінше, оқиға 9 қазанда Рио-де-Жанейроның Сантос-Дюмон әуежайынан ұшып шыққан рейсте болған. Ұшқан бетте қозғалтқыштардың бірінде ақау пайда болған.

"Соның салдарынан ұшып шыққаннан кейін 25 минут өткенде ұшақ Риодағы Галеан әуежайына апатты жағдайда қонды", - деп жазады басылым тілшілері.

Ұшақ сәтті қонған, ал жолаушылар Сан-Паулуға басқа рейспен жіберілген.

Саяхат қызықтары мен пайдалы ақпаратты Instagram және Facebook парақшаларынан оқи аласыз!