Қонақүй бөлмесінің тазаланғанына қалай көз жеткізуге болады

Саяхатшылар қонақүй бөлмесіне кірер алдында шынымен тазаланғанын қалай анықтай алады? Бортсерік қарапайым құпиясын бөлісті, - деп хабарлайды Kaz.tengritravel.kz тілшісі Daily Star-ға сілтеме жасап.

Қонақүй бөлмесіне орналасу жағымды да, жағымсыз да эмоциялар тудыруы мүмкін. Көбінесе туристер бөлменің тазалығына, иісіне және интерьеріне назар аударады. Алайда, бәрі бірдей төсектің қалай салынғанын байқамайды.

Мәселен, бортсеріктердің бірі төсекке жатпай тұрып оған мән беру керек деп есептейді.

"Егер төсек тегіс төселмеген болса, онда қызметкерлер оны жинамаған шығар. Бұл жерде сізге дейін біреу ұйықтаған болуы мүмкін. Мұндай төсекке жатуға тырыспаңыз. Әрине, егер төсек толығымен бүктелмеген болса, онда мүлдем жатуға болмайды. Мүмкін, қызметкерлер сіздің бөлмеңізді тазалауды ұмытқан шығар", - дейді ол.

Йосемит ұлттық саябағының жанындағы қонақүй жұмысшыларының бірі төсек-орындарды кейде жинамайтынын мойындады. Ол төсек-орын жиынтығын қайтадан төсегенді жөн көреді екен.

"Бұл - бітпейтін жұмыс. Сондықтан, егер мен төсектің өте лас емес екенін көрсем, төсекті қайта тегістеп кетемін. Қонақтардың ешқайсысы алдауды байқамайды деп үміттенген едім", - деді қонақүй қызметкері.

Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!