Қазақстандықтар үшін ең жақсы ойын-сауық саябақтары аталды: БАӘ, Түркия, Үндістан

Ойын-сауық саябағы - бұл өмірде кейде жетпей жататын көтеріңкі көңіл-күй,  керемет толқу және демалыстың тамаша үйлесімі. Туристер мұндай саябақтарды аралау үшін аумағында орналасқан қонақүйге бір немесе бірнеше күнге келіп демалыстарын өткізеді. Kaz.tengritravel.kz және Aviata.kz балаларды да, ересектерді де қызықтырмай қоймайтын ерекше тақырыптық саябақтар туралы баяндайды.

Бұл тізімді жасау кезінде біз әлемдік рейтингтер мен әртүрлі таңдау топтарынан ғана емес, сонымен қатар қазақстандықтар үшін тікелей рейстер арқылы қолжетімді елдердегі ойын-сауық саябақтарын таңдадық. Қазақстандықтарға қолжетімді бағыттар көп болғандықтан, материалды екіге бөлдік. Мұнда БАӘ, Түркия және Үндістанның ең жақсы саябақтарымен танысуды ұсынамыз.

Біріккен Араб Әмірліктері

Legoland Dubai

Legoland Dubai құрастырғыш саябағы Дубайда орналасқан және Dubai Parks and Resorts үлкен қонақүй кешенінің бөлігі болып табылады. Шартты түрде ол екі бөлікке бөлінеді - Legoland-тың өзі және су аттракциондары бар Legoland.

Фото @instagram.com/legolanddubai/

Legoland-те туристер үшін алты тақырыптық аймақ бар. Соның бірі - "Зауыт" мұнда қонақтарға LEGO бөлшектерінің қалай жасалатынын көрсетіп, біреуін естелік ретінде сыйлайды. Екіншісі - Миниатюралық саябақ, онда сіз Дубайдың әйгілі зәулім ғимараттарының көшірмелерін және Таяу Шығыстың басты көрікті жерлерін көре аласыз, оның құрылысына 20 миллион дизайнерлік бөлшектер пайдаланылған. Лего-ситиде балалар көлік, ұшақ және қайықтарды басқаруға машықтана алады. "Патшалық" тақырыптық аймағында қонақтар әртүрлі аттракциондарға отыруға болады.

Қызық дерек

Саябақта сіз әлемдегі ең биік Lego - Бурдж Халифаны кездестіре аласыз.  Оның биіктігі 17 метрге жетеді. Сондай-ақ, өмірдегі бар нысандардың 15 мың данасы бар. Бұл Legoland құрылыс жинақтарының 250 түрін ұсынады.

"Қиял әлемі" бөлімінде бөлшектер, жарыс машиналары, реактивті ұшақтардан әртүрлі арнайы жабдықты өзіңіз құрастыра аласыз. Мұнда сіз тіпті электромобильді сынақтан өткізіп, тіпті нағыз роботтардың шайқасына қатыса аласыз. Туристерге "Лего бұрылыстары" экстремалды аттракционында  сырғанау ұсынылады. "Шытырман оқиға" аймағы өз қонақтарына лазерлік тапаншалармен қаруланған көне ғибадатхананың қирандылары арқылы өтетін жолмен жүруге мүмкіндік береді. Жол көптеген арнайы әсерлермен, соның ішінде су жарылыстарымен толтырылған.

Фото @instagram.com/legolanddubai/

Су саябағында 20-дан астам аттракционға отыруға, қолдан сал құрастырып, су жорығына шығуға болады. 

Қалай баруға болады?

Ойын-сауық саябағы Дубайға жақын жерде орналасқан, сондықтан келушілер үшін автобус қызметі қарастырылған. Саябаққа Ibn Battua метросынан тегін автобустар қатынайды. Жұмыс кестесі - күн сайын 7.00-ден 23.15-ке дейін.

Саябаққа кіру шарттары

Саябақта қосымша гигиеналық және қауіпсіздік шаралары қарастырылған. Қонақтардан әлеуметтік қашықтықты сақтауды және бетперде киюді сұрайды, аумақта дезинфекция құралдары бар. Секциялардың біріне (Legoland или Water Park)  бару үшін бір адамға бір тәулікке билет бағасы онлайн сатып алғанда 295 дирхамды (35 700 теңге) құрайды. Екі бөлімнің билеті - 395 дирхам (47 726 теңге). Үш жасқа дейінгі балаларға тегін. Саябаққа барудың басқа да шарттарын осы жерден таба аласыз.

Фото @instagram.com/legolanddubai/

Ferrari World

Ferrari World Абу-Даби - барлық жасқа арналған 37 рекордтық аттракционы бар әлемдегі алғашқы Ferrari брендтегі тақырыптық саябақ. Саябаққа жыл сайын миллионнан астам адам келеді.

Фото @instagram.com/ferrariworldabudhabi/

Саябақтың өзінің "кішкентай Италиясы" бар, мұнда қонақтар Амальяфи жағажайында серуендеп, Венеция мен Колизейді көре алады.

Саябақтың негізгі элементі - көптеген аттракциондар орналасқан алып шыны туннель. Ең танымалды аттракцион қатарында Формула 1 жарыс тренажері бар. Мұнда сіз жарыс аттракциондарының жиырма түрінің бірін таңдай аласыз және өзіңізді нағыз жүгіруші ретінде сезіне аласыз.

Фото @instagram.com/ferrariworldabudhabi/

G-Force рейд Ferrari World орталық мұнарасында орналасқан. Жүрее жұтқан келушілерді кабина 62 метр биікке  лақтырады, содан кейін ол ауада бірнеше секунд тұрып,  секундына 12 метр жылдамдықпен төмен түседі.

Қызық дерек

Formula Rossa деп аталатын сырғанақ әлемдегі ең жылдам болып саналады, оның максималды жылдамдығы сағатына 240 шақырымға дейін жетеді.

Фото @instagram.com/ferrariworldabudhabi/

Қалай жетуге болады?

Саябаққа Абу-Даби орталығынан көлікпен жарты сағатта, Дубай Маринадан 50 минутта жетуге болады. Абу-Даби әуежайынан жол 10 минутта, Дубай әуежайынан бір жарым сағатта, Шарджадан екі сағат.

Саябаққа кіру ережелері

16 және одан жоғары жастағы барлық қонақтар ALHOSN мобильді қосымшасында жасыл мәртебесін көрсетуі немесе 14 күннен кешіктірмей алынған ПТР сынағының теріс нәтижесімен бірге толық вакцина алғанын дәлелдеу керек. Вакцина алмаған қонақтар кіруге дейін 48 сағат ішінде алынған ПТР сынағының теріс нәтижесін көрсету арқылы саябаққа кіре алады. Келушілерден бетперде киіп, әлеуметтік қашықтықты сақтау ұсынылады. Бір адамға бір күндік баға - 310 дирхам (37 456 теңге). Интернетте төрттен көп билет сатып алғанда - бір адамға 232 дирхам (28 031 теңге). Үш жасқа дейінгі балалар - тегін. Басқа шарттарды веб-сайттан табуға болады.

БАӘ-дегі басқа танымал ойын-сауық саябақтарына IMG Worlds of Adventure тақырыптық саябағы, MOTIONGATE Dubai тақырыптық саябағы, Bollywood Parks тақырыптық саябағы, VR паркі кіреді.

Елге кіру ережелері

Sinopharm, Pfizer-BioNTech, Jamalika (Sputnik V), Oxford-AstraZeneca, Moderna, Johnson & Johnson компанияларымен вакцинацияланған/қайта вакцинацияланған саяхатшылар ПТР сынағынан босатылады және вакцинаци/ревакцинация анықтамасын көрсетуі қажет. Анықтама оқылатын QR коды және ағылшын тілінде болуы керек. QazVac (QazCovid-in) вакцинасымен (қайтадан) егілген туристер БАӘ-ге кірген кезде ПТР сынағынан өтуі керек.

ПТР сынағын тек аккредиттелген зертханада алуға болады. Талдау нәтижесі материалды іріктеу сәтінен бастап 48 сағат бойы жарамды. Сертификат басып шығарылуы және ағылшын тілінде деректер болуы керек. 12 жасқа дейінгі балалар сынақтан босатылады.

Абу-Даби

Абу-Дабидегі қоғамдық орындарға бару Al Hosn қолданбасындағы жасыл күйде ғана мүмкін.

Вакцина алған саяхатшылар екі апта сайын, ал вакцинадан ресми медициналық босатылғандар - әрбір жеті күн сайын ПТР сынағынан өтуі керек. 12 жасқа толмаған балалар вакцинасыз немесе ПТР сынағынан өтпей-ақ автоматты түрде жасыл мәртебе алады. 12 жастан 15 жасқа дейінгі балаларға вакцина қажет емес, бірақ олар ПТР сынағын тапсыруы керек.

Вакцинация туралы куәлікті немесе вакцинаға қарсы медициналық қарсы көрсетілімдер туралы сертификатты тексеру үшін Федералдық сәйкестендіру және азаматтық кеңсесінің (ICA UAE Smart) қосымшасын жүктеп алыңыз немесе веб-сайтқа өтіп, келуді тіркеу формасын толтырыңыз және тексеру үшін вакцина сертификатын жүктеу қажет.

БАӘ-не рейстер

Қазақстаннан БАӘ-ге аптасына 43 рейс орындалады: Нұр-Сұлтан - Дубай (Эйр Астана - жеті, Fly Dubai - жеті); Алматы - Дубай (Эйр Астана - 10, Fly Dubai - 10); Алматы - Шарджа (Air Arabia - бес); Алматы - Абу-Даби (Wizz Air Abu Dhabi - екі); Нұр-Сұлтан - Абу-Даби (Wizz Air Abu Dhabi - екі).

Түркия

The Land of Legends Theme Park

The Land of Legends Theme Park түрік Диснейленді деп атайды. Бұл Түркиядағы ең үлкен ойын-сауық саябағы болып саналады және бірнеше рет Еуропадағы ең жақсы ойын-сауық саябағы қатарында болды. Оған жыл сайын екі миллионнан астам адам келеді. Тақырыптық саябақ Белекте орналасқан және салыстырмалы түрде жақында, яғни 2016 жылы ашылды. Саябақты RIXOS қонақүйлер желісі Cirque du Soleil шоуының директоры Франко Драгоненің қатысуымен жобалаған, бірақ оған кіру қонақүй меймандарына ғана емес, барлығына да қолжетімді.

Фото @instagram.com/thelandoflegends/

Саябақта барлығы 72 сырғанақ және 43 су аттракционы бар, оның 19-ы ересектерге арналған. Ал 23 жерүсті аттракционы қыста да жұмыс істейді.

Аттракциондардың көпшілігі қандай да бір түрде сумен байланысты: Starship - тау шаңғысымен сырғанау үшін су лабиринті, Rafting Rapids - су салдарында бас айналдыратын түсулер, Magicone - стандартты емес пішіндегі кең, тік сырғанақ, Tower Falls - ежелгі қамал түріндегі су аттракционы, Sea Voyager - бірден төрт адамға арналған тау шаңғысымен сырғанау, Speedway - балаларға арналған слайдтар, Aqua Tower - бір-бірімен тоғысқан бірнеше слайдтардан тұратын тұтас қала, Aqua Play - судағы ойын алаңы.

Фото @instagram.com/thelandoflegends/

Сонымен қатар, саябақта Жерорта және Эгей теңіздерінің акулалары мен балықтары бар аквариум, сондай-ақ, морж, дельфин және белуга киттерінің өнерін тамашалауға болатын дельфинарий бар.

Аумақта тоғыз кинотеатр бар, оның бірі - 5D аттракционы.

Еуропадағы ең үлкен шатыры бар саябақта Chapito циркі жұмыс істейді. Онда әртүрлі тақырыптық қойылымдар өтеді.

Фото @instagram.com/thelandoflegends/

Қалай жетуге болады?

Белектен қоғамдық көлікпен Белектің орталығынан № БК-21 және № БА-22 долмуштарымен (шағын автобус - автордың ескертуі) және қонақүйден № BO-27, BO-28, BO-29 автобустарымен жүруге болады. аумақ. Анталиядан ммBA-22 нөмірлі автобус саябаққа барады. Сіз сондай-ақ, Белекте такси қызметтерін пайдалана аласыз: Belek Taksi, Taxi Durağı, Palace Car Rental, Belek Taxsim, Kadriye Mah, Kadriye Taxi, Taxi Just Next, Taxi Bellis және т.б.

Билет бағасы уақытқа, адам санына және ұзақтығына байланысты өзгеруі мүмкін. Төрт жасқа дейінгі балалар тегін кіреді. 4 жастан 11 жасқа дейін - 20-40 доллар (9 000 - 17 000 теңге). Ересек адамға бір күндік баға 25-50 доллар (11 095 теңге). Саябақ ережелері туралы толығырақ мына жерден оқи аласыз.

Сондай-ақ, ең көп баратын түрік ойын-сауық саябағы арасында Adaland аквапаркі, Сазова саябағы, Palm Beach Club аквапаркі және жағажай клубы, Tortuga аквапаркі бар.

Кіру ережелері

Түркияда (Pfizer, Sputnik V, CoronaVac, Astra Zeneca, CanSino Biologics, Johnson&johnson, Moderna, Novavax, Sinopharm,Sinovac) или ВОЗ (Pfizer, Sputnik V, SinoVac, Moderma, Johnson&johnson, Astra Zeneca, CoviShield, Sinopharm) келуге кемінде 14 күн қалғанда, вакцинаның толық курсын аяқтағанын растайтын вакцинация сертификатын/төлқұжатын ұсына отырып, Түркия шекарасынан еркін өте алады.

Түркияға келетін барлық басқа жолаушылар коронавирустық инфекцияға ПТР сынағының теріс нәтижесі бар сертификатты ұсынуы қажет (сертификат биоматериал сынамасы алынған сәттен бастап Қазақстаннан рейстің жоспарланған ұшу уақытына дейін 72 сағат бойы жарамды) немесе экспресс-антиген сынағының теріс нәтижесі бар анықтама (соңғы 48 сағат ішінде жасалуы керек).

Құжаттар қағаз түрінде де, электронды түрде де ұсынылуы мүмкін және ағылшын немесе түрік тілдерінде ақпарат болуы керек.

12 жасқа дейінгі балалар сынақтан босатылады.

Бұған қоса, соңғы уақытта жолаушыларға ұшу алдында денсаулықты анықтау формасын толтыру қажет емес.

Түркияға рейстер

Қазақстаннан Түркияға келесі бағыттар бойынша аптасына 49 рейс орындалады: Нұр-Сұлтан - Ыстамбұл (Turkish Airlines - бес, Эйр Астана - бес); Алматы - Стамбул (Turkish Airlines - жеті, Эйр Астана - алты); Шымкент - Стамбул (SCAT - бір, Pegasus - екі); Ақтөбе - Стамбул (SCAT - екі); Түркістан - Стамбул (Turkish Airlines - үш, Fly Arystan - үш); Ақтау - Стамбул (SCAT - екі, Turkish Airlines - үш, Fly Arystan - бір); Алматы - Анталия (Turkish Airlines - екі, Air Astana - төрт, Pegasus - бір); Нұр-Сұлтан - Анталия (Эйр Астана - екі).

Үндістан

Adventure Island Ltd

Жаңа Делидегі ең жақсы ойын-сауық саябақтарының бірі Adventure Island Ltd болып саналады. Бұл - ішінде әсем жасанды көлі бар отбасылық саябақ.

Фото @instagram.com/adventureisland.in/

Саябақ үлкен 250 мың шаршы метр аумақты алып жатыр. Саябақтың аумағы үш аймаққа бөлінген - аттракциондар, шытырман оқиғалы арал және аквапарк. Барлығы құрлықта және суда орналасқан 26 түрлі аттракцион бар, олар ең кішкентай келушілерге де, ересектерге де арналған. Соңғы қызығушылық Splash Down су слайды және Z-Force аттракционы болады. Ал балаларға Cyclone каруселі, Wave Rocker және Tiny TV Transit ойыншық пойызы ұнайды.

Бұл саябаққа автобуспен немесе метромен оңай жетуге болады, сонымен қатар рикшаға тапсырыс бере аласыз (көлік түрі). Ол басқа ірі мекеме, Metro Walk сауда орталығының жанында орналасқан. Ойын-сауық саябағы алыстан биік құрылыс алаңдары мен алып ойын құрылымы сияқты көрінеді.

Саябаққа кіру шарттары

Саябаққа кіру шарттарымен осы жерден танысуға болады.

Үздік үш танымал үнді саябағының қатарына Fun N Food Village және Just Chill Water Park кіреді.

Кіру ережелері

Ұшар алдында жолаушылар онлайн-порталда арнайы декларация формасын (SDF) толтырып, осы құжатты басып шығаруы керек. Тек ересектер ғана емес, балалар да толтыруы қажет. Сондай-ақ Aarogya setu мобильді қосымшасын жүктеп алу керек.

Вакцина алған жолаушылар декларация бланкісіне вакцинация төлқұжаттарын жүктеп салуы керек. Оларға ұшу алдында ПТР-сынағын тапсырмауға рұқсат етіледі.

Бес жастан асқан басқа жолаушылар отырғызу кезінде теріс нәтиже берген ПТР сынағы анықтамасын көрсетуі керек, ал талдауды ұшуға 72 сағат қалғанда тапсыру керек. Құжатты арнайы онлайн порталға жүктеп салу қажет.

Үндістанға рейстер

Үндістанға Қазақстаннан аптасына үш рейс ұшады: Алматы - Дели (Эйр Астана - екі рейс), Алматы - Гоа (Эйр Астана - бір чартер)7

Aviata.kz - үйіңізден немесе кеңсеңізден шықпай-ақ, әлемнің қалаған нүктесіне теміржол және әуе билеттерін кез келген бағытта онлайн режимінде табуға, брондауға және сатып алуға мүмкіндік беретін сервис.

Әуе және теміржол билеттерін сатып алуға болатын "Авиата" қосымшасын мына сілтеме бойынша жүктеуге болады.