© pixabay © pixabay

Қайықпен саяхаттаған туристер ұйықтап жатқан китпен соқтығысты


Әлемде катамаранмен саяхаттап жүрген ұлыбританиялық отбасы Атлант мұхитында ұйықтап жатқан китпен соқтығысты, - деп хабарлайды Mirror.

33 жастағы Закари Смолл мен Кимберли Пеллетье Жирар екі қызы Ануа мен Уиллоу (сегіз және бес жас) 2022 жылы қайықпен бүкіл әлемге саяхатқа шыққан. 2 қыркүйекте Азор теңізінен Ұлыбританияға өткенде олардың қайығы ұйықтап жатқан китке соқтығысқан, соның салдарынан су көлігінде тесіктер пайда болып, су кіре бастаған. 

Ұйқысынан оянған отбасы лезде суды қайықтан шығарып, тесікті силиконмен бітеуге кіріскен, алайда бұл ісі өнім бермеген соң апат сигналын беріп, құтқару шлюпкаларын даярлап, көмек күтіп отырған. Таңғы алты шамасында оларды мұнай таситын танкер алып кеткен. Отбасы катамаранды және жеке заттарын тастауға мәжбүр болған. 

Қазіргі уақытта саяхатшылар Смоллдың анасының үйінде тұрады және жаңа қайыққа ақша жинап жатқан көрінеді. Отағасының айтуынша, сәтсіз тәжірибе болғанынан қарамастан саяхатқа қайта шығуды қалайды екен. 

Суреттер Закари Смолдың жеке мұрағатынан





Осыған ұқсас мақалалар

Ұлыбританиялық турист Португалиядағы жағажайда кенеттен қайтыс болды Ұлыбританиялық турист Португалиядағы жағажайда кенеттен қайтыс болды
Ресейліктерге Беларусь пен Қазақстанға пойыз билетінің тапшылығы ескертілді Ресейліктерге Беларусь пен Қазақстанға пойыз билетінің тапшылығы ескертілді
Испанияда зорлық-зомбылыққа шағым көп түскен курорт аталды Испанияда зорлық-зомбылыққа шағым көп түскен курорт аталды