Канада қыркүйекте вакцина салдырған туристерге келуге рұқсат етеді
Канада қыркүйектен бастап әлемнің барлық елінен вакцина салдырып келетін туристерге кіруге рұқсат беруді жоспарлап отыр. Бұл туралы Канаданың премьер-министрі Джастин Трюдо айтты, - деп хабарлайды Kaz.tengritravel.kz тілшісі.
РИА Новости мәліметінше, Канада билігі пандемиямен күрес аясында елдің шекарасын қауіпсіз кесіп өту мәселелерін талқылады. Толық вакцина салдырған азаматтар осы күзде Канадаға кедергісіз келе алады.
"Премьер-министр егер вакциналаудың қазіргі динамикасы мен денсаулық сақтау жағдайы бірдей деңгейде болса, Канада әлемнің барлық елінен вакцина салдырған саяхатшыларды қабылдай алатынын атап өтті", - делінген хабарламада.
Алайда, мәлімдемеде Канада билігі барлық вакцинаны немесе олардың бірнешеуін ғана жарамды деп тани ма, жоқ па - белгісіз.
Ең маңызды жаңалықтар - біздің Facebook парақшамызда! Дəл қазір жазылып алыңыз!
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!