Желі пайдаланушылары ұнамайтын курорттық елдерді атады

Желі пайдаланушылары Мысыр, Біріккен Араб Әмірліктері және Занзибарды қайтып оралғысы келмейтін ең нашар демалыс орындары деп атады. Reddit форумының оқырмандары сәтсіз саяхат туралы әңгімелерін бөлісті.

Кейбір комментатор ұнамайтын курорттық елі БАӘ, әсіресе Дубай әмірлігі екенін жазды.

"БАӘ - байлық кедейлікпен қиылысатын озық технологиясы бар мұсылман елі. Дубайдың өзінде көптеген мағынасыз архитектуралық құрылым бар, олардың кейбіреуі аяқталмаған", - деп жазды Futurama Reference лақап аты бар пайдаланушы.

Сондай-ақ, форумның көптеген пайдаланушысы Мысырдағы демалысқа шағымданды. Олар "ел өте лас және қауіпті екенін, ал жергілікті тұрғындар туристерге жағымсыз қарайтынын" атап өтті.

"Біз көпшілік алдында болған кезде әйелімді ер адамдар жиі мазалайтын. Сонымен қатар, мені көптеген агрессив саудагерлер мен алаяқтар таңғалдырды", - деп жазды пайдаланушылар.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!