Жапонияда әуежайда алғашқы туристерді ниндзялар қарсы алды

Ниндзялар, көрікті жерлер бейнеленген түрлі түсті плакаттар, түрлі-түсті костюмдер және ақпараттық брошюралар - Жапония әуежайында туристерді елдің алғашқы ашылу күнінде осылай қарсы алды, - деп хабарлайды Kaz.tengritravel.kz тілшісі РИА Новости басылымына сілтеме жасап.

Жапониялық БАҚ-тың мәліметінше, көптеген әуе айлақтарында шетелдік қонақтарды әртүрлі әкімшілік пен туроператорлардың өкілдері қарсы алды. Атап айтқанда, Осака префектурасындағы Кансай халықаралық әуежайында саяхатшыларды қара және қызыл шапан киген ниндзялар күтіп алды.

Сондай-ақ, олар туристерге өзінің ниндзя ауылымен танымал Шига префектурасының атымен матадан жасалған сөмкелер мен ақпараттық брошюралар ұсынды. Олардың қасында туроператорлардың өкілдері "Кансайға қош келдіңіз!" деп қарсы алды.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!