Хорватия шетелдік туристерді аралдарға шақырды

Хорватияның туризм министрлігі шетелдік туристер үшін "Хорватия аралдары – коронавируссыз аймақтар" науқанын бастады, - деп хабарлайды Кaz.tengritravel.kz порталы Турпром басылымына сілтеме жасап.

Мұндай шешім елдің құрлықтағы бөлігімен салыстырғанда аралдарда коронавирус жұқтырғандардың деңгейі төмен болуына және туризм үшін аралдардың маңызды екеніне байланысты шығарылды.

Туризм және спорт министрі Николина Брняцтың айтуынша, туристердің демалуға келетін жалпы уақытының төрттен бір бөлігі аралдардың үлесіне кіреді.

"Сонымен қатар, қонақүйлердің үштен бірі арал учаскелерінде орналасқан. Бұл бізге коронавирус статистикасы туралы нақты ақпараттың берілуі себеп болып отыр. Өйткені біздің көптеген аралымыз "жасыл" аймақта тұр", - деп қосты ол.