Грекия шетелдік туристерді мамырдың ортасында қабылдайды

11 наурыз 2021 16:20

Грекия билігі 14 мамырдан бастап шетелдік туристерді қабылдауды жоспарлап отыр, - деп хабарлайды Kaz.tengritravel.kz порталы tourdom.ru басылымына сілтеме жасап.

Шетелден келетін туристерге арналған шартты ITB-2021 халықаралық туристік көрмесі аясындағы баспасөз конференциясында туризм министрі Харис Теохарис мәлімдеді.

Министр туристерді қабылдау үшін эпидемиологиялық жағдай қолайлы болуы шарт деп атады. Ол Ресей, Украина, Беларусь және Еуропалық Одақ елдерінен келген саяхатшыларға коронавирусқа қарсы вакцинациядан өткеннен кейін немесе ұшуға дейін 72 сағаттан кешіктірмей жасалған COVID-19 тестінің нәтижелерімен Грекияға баруға рұқсат етілетінін атап өтті.