Гонконг қонақүйлерінде карантин қарашада жойылмақ

Гонконг қарашада әлемдік банкирлер саммиті мен регби бойынша халықаралық жарыстар қарсаңында қонақүйлердегі карантинді алып тастауды жоспарлап отыр, - деп хабарлайды Kaz.tengritravel.kz тілшісі Breaking Travel news сайтына сілтеме жасап.

Билік қонақүйдегі карантинді 21 күннен үш күнге дейін қысқартты. Сингапур сияқты көптеген Азия орталықтары пандемияға байланысты барлық шектеуді алып тастаса да, Гонконг олардан бас тарта алмай отыр.

Гонконг әкімшілігінің басшысы Джон Ли қарашада өтетін әлемдік банкирлер саммитіне және халықаралық регби жарыстарына жақын қонақүйлерде карантинді жою туралы шешім қабылдауды көздейді. Оның мәлімдемесінде Үкімет эпидемияның дамуы мен ғылыми деректерді талдауға сәйкес эпидемияға қарсы шараларды жалғастыратыны айтылған.

"Үкімет материкпен де, әлеммен де байланысты сақтау қажет екенін, соның ішінде саяхатшылар үшін қолайсыздықты азайтуды жақсы біледі. Алайда азаматтардың, әсіресе қарттар мен балалардың әл-ауқатын қорғау қажет", - деді ол.

Денсаулық сақтау министрі Ло Чунг-Мау вирус жұқтырған жағдайлардың саны өскен сайын шектеулерді күшейтуді қалайды. Ол жағдайларды басу материкпен шекараның ашылуына әкеледі деп үміттенеді. Сондықтан жақында індетпен күресу үшін қатаң шаралар қабылданған болатын.

Еліміздегі жəне əлемдегі жаңалықтар жайында толық мəліметті таба аласыз. Instagram-дағы Kaz.tengritravel.kz-ке қосылыңыз!