Гавай аралдары вакцина алған туристерді қабылдайды
Гавай аралдары толық вакцина алған туристер үшін ашылуға дайын. Бұл туралы штат губернаторы Дэвид Ике мәлімдеді, - деп хабарлайды Kaz.tengritravel.kz тілшісі Тravel and Leisure сайтына сілтеме жасап.
"1 қарашадан бастап біз вакцина алған туристерді Тынық мұхитынан тыс жерлерде және аралдар арасында саяхаттауға немесе демалуға шақырамыз", - деді Гавай губернаторы Дэвид Иге.
Губернатор Twitter желісіндегі парақшасында аралдардағы аурудың жағдайы жақсарып келе жатқанын және бұл экономикалық қалпына келтіруге алға жылжуға мүмкіндік беретінін айтты.
Бұл шешім Америка Құрама Штаттары 8 қарашада вакцина алған шетелдік туристер үшін ашылуға дайындалып жатқандықтан қабылданды.
"Біз федералды үкіметтен туристер үшін ашылу жоспарлары мен шарттары туралы толығырақ ақпарат күтеміз және 8 қарашаға дейін бізде тиісті жоспар болады", - деп толықтырды Иге.
АҚШ-тың Қазақстандағы елшілігі мен консулдығы 2020 жылғы 2 желтоқсанда барлық стандартты визалық қызметті қайта бастады. Басқаша айтқанда, міне, он ай бойы қазақстандықтардың АҚШ-қа бару мүмкіндігі бар.
Елімізде жəне əлемдегі жаңалықтар жайлы толық мəліметті таба аласыз. Instagram-дағы Kaz.tengritravel.kz-ке қосылыңыз!