Француздық багет ЮНЕСКО тізіміне енді

01 желтоқсан 2022 08:47

Француздық багет ЮНЕСКО материалдық емес мәдени мұрасының тізіміне енді, - деп хабарлайды Kaz.tengritravel.kz тілшісі ұйымның әлеуметтік желідегі аккаунтына сілтеме жасап.

"Материалдық емес мәдени мұраның тізімінде жаңа жол - багетті дайындаудың шеберлігі мен мәдениеті", - делінген ЮНЕСКО-ның Twitter желісіндегі парақшасында.

Негізі багетті Францияның формалды емес символы деп атауға да болады. Наубайшылар мен кондитерлер конфедерациясы мәліметіне сәйкес, бұл елде күн сайын 12 миллион бөлке сатылады екен. Елде үздік багет байқауы да өткізіліп тұрады. Онда жеңіске жеткен наубайшы Франция президенті резиденциясын (Елисей сарайы) бір жыл бойы багетпен қамтамасыз етіп отырады.

2021 жылы француздық багет ЮНЕСКО материалдық емес мәдени мұрасының тізіміне ену үшін өтінім жіберілетіні айтылған. Биыл Франция бірнеше кандидатты қарастырған, оның ішінде: париждік шатырлар және Арбуа және Бургунди коммуннасында шарап жасау мерекесі. Алайда багет жеңіске жеткен.